1 июлдан Франция визаси учун ҳужжат топшириш тартиби ўзгаради

Bugun 11:251 daqiqa

Тошкентдаги TLScontact виза марказида Францияга 90 кунгача бўлган туристик сафарлар учун ҳужжат қабул қилишнинг янги механизми жорий этилади. Энди қабул санаси тизим томонидан автоматик белгиланади.

1 июлдан Франция визаси учун ҳужжат топшириш тартиби ўзгаради

Тошкентдаги TLScontact виза маркази 1 июлдан Францияга 90 кунгача бўлган туристик сафарлар учун виза расмийлаштириш тартибини ўзгартиради. Бу ҳақда компания матбуот хизмати маълум қилди.

Янги тартибга кўра, ариза берувчилар энди виза марказига ташриф санасини мустақил танлай олмайди. Тизим бўш вақтларни ҳисобга олган ҳолда қабул вақтини автоматик равишда белгилайди.

Қайд этилишича, мазкур ўзгаришлар фақат туристик визаларга тааллуқли бўлиб, бошқа тоифадаги визаларни расмийлаштириш тартиби ўзгаришсиз қолади.

Ҳужжат топшириш учун фуқаролар TLScontact'нинг расмий порталида шахсий профил яратиб, анкетани тўлдириши керак бўлади. Маълумотлар текширилгандан сўнг ариза электрон навбатга қўйилади.

Кейинчалик ариза берувчига электрон почта орқали қабул санаси ва вақти юборилади. Шу вақтдан бошлаб хизмат ҳақини тўлаш ва бронни тасдиқлаш учун 24 соат муддат берилади.

Компания маълумотига кўра, янги механизм ҳужжат топшириш жараёнида воситачилар томонидан амалга ошириладиган фирибгарлик ҳолатларининг олдини олиш ҳамда барча мурожаатчилар учун тенг имконият яратишга қаратилган.

Эслатиб ўтиш жоиз, янги тартиб жорий этилишидан аввал ижтимоий тармоқларда фойдаланувчилар TLScontact орқали бўш қабул вақтларини топиш қийинлиги юзасидан бир неча бор шикоят қилган эди.

Teglar

Европа виза Франция саёҳат.Тошкент Франция визаси TLScontact туристик виза

Mavzuga oid

Kecha 20:17

Сув хўжалигидаги коррупция давлатга 70 млрд сўмдан зиёд зарар етказди

Сув хўжалиги тизимида икки ярим йилда юзлаб коррупсиявий жиноятлар аниқланди. Энди соҳадаги хавфларни бартараф этиш учун махсус «йўл харитаси» ишлаб чиқилмоқда.

Kecha 22:00

Ўзбекистонда яшил энергия улуши 45 фоиздан ошди

Мамлакатда қайта тикланувчи энергия манбалари улуши ошиб, табиий газ сарфи камайиб бораётгани айтилмоқда.

Kecha 16:53

Ўзбекистонда ҳам вояга етмаганларга ижтимоий тармоқларни тақиқлаш режалаштирилмоқда

16 ёшгача бўлган болаларнинг ижтимоий тармоқлардан фойдаланишини чеклашни назарда тутувчи қонун лойиҳаси ишлаб чиқилиб, жамоатчилик муҳокамасига тақдим этилиши режалаштирилмоқда.

Kecha 21:08

Ўзбекистон — Конго ДР 7:0? Плей-оффга чиқишимиз учун шундай йирик ҳисоб керак

Хўш, Ўзбекистонда плей-офга чиқиш имконияти борми?

Kecha 18:48

Ўзбекистонда зилзила содир бўлди

Ер силкиниши қарийб бир дақиқа давом этди. ФВВ ҳузуридаги Сейсмопрогностик мониторинг республика маркази маълумотига кўра, зилзила эпицентри Тошкентдан 499 километр жанубий-шарқда, Афғонистоннинг Бадахшон вилоятида жойлашган. Зилзиланинг магнитудаси 6,8 баллни, чуқурлиги эса 224 километрни ташкил этди.

Kecha 10:19