2026 yilda dam olish kunlariga to‘g‘ri kelgan bayramlar boshqa kunga ko‘chiriladimi?

2026 yilda ayrim bayramlar dam olish kunlariga to‘g‘ri kelishi munosabati bilan xodimlar uchun dam olish kunlarini ko‘chirish tartibi belgilandi. Amaldagi Mehnat kodeksining 208-moddasiga muvofiq, bayram dam olish kuniga to‘g‘ri kelsa, u keyingi ish kuniga ko‘chiriladi.

21-mart — Navro‘z bayrami haftada 5 kun ishlaydiganlar uchun shanba kuniga to‘g‘ri keladi. Shu bilan birga, agar Ramazon oyi 19-fevraldan boshlanib 30 kun davom etsa, Ramazon hayiti ham 21-martga to‘g‘ri kelishi kutilmoqda. Bu holatda 21-mart shanba kuni 23-mart — dushanbaga ko‘chiriladi.

Shunda, haftada 5 kun ishlaydiganlar uchun:

— 21-mart – bayramlar;

— 22-mart – yakshanba;

— 23-mart – dushanba, ko‘chirilgan dam olish kuni, ya’ni 3 kun dam olish.

Haftada 6 kun ishlaydiganlar uchun:

— 21-mart – bayramlar;

— 22-mart – yakshanba, ya’ni 2 kun dam olish.

Shuningdek, 2026 yilda 8-mart — Xotin-qizlar kuni yakshanbaga to‘g‘ri keladi. Bu holatda ham dam olish kuni keyingi ish kuniga ko‘chiriladi.

5 kun ishlaydiganlar uchun:

— 7-mart — shanba dam olish;

— 8-mart — bayram;

— 9-mart — ko‘chirilgan dam kuni bo‘lib, jami 3 kunlik dam olish.

6 kunlik ish haftasidagi xodimlar esa:

— 8-mart — bayram;

— 9-mart — ko‘chirilgan dam olish kuni hisobida 2 kun dam oladi.

«Bunday bayramlarda 5 kun kun dam olishga o‘rganib qolganlarga 2-3 kunlik dam olish yoqmay turibdi, lekin amaldagi qonunchilik bo‘yicha shunday, agar unga qadar yana qonunchilikda o‘zgarish bo‘lib qolsa xabar beramiz», — deydi mutaxassislar.