Арманистон АҚШ билан ядровий соҳада ҳамкорлик қилади

10.02.2026 | 10:072 daqiqa
DUNYO
|
Davlatlararo munosabatlar

Вэнс ва Пашинян Ереванда АҚШ ва Арманистон ўртасида тинч атом соҳасида ҳамкорлик тўғрисидаги келишувни имзолади. Ҳужжат Арманистоннинг энергетик ресурсларини диверсификация қилишга хизмат қилади, деб таъкидлади мамлакат бош вазири.

Арманистон АҚШ билан ядровий соҳада ҳамкорлик қилади

Кеча, 9 феврал куни Ереванда АҚШ вице-президенти Жеймс Дэвид Вэнс ва Арманистон бош вазири Никол Пашинян томонидан тинч мақсадларда ядро энергиясидан фойдаланиш соҳасида АҚШ ва Арманистон ўртасидаги ҳамкорлик тўғрисидаги баёнот имзоланди. Маросим Вэнснинг Арманистонга икки кунлик ташрифи давомида бўлиб ўтди.

«Ушбу келишув «хавфсиз инновацион технологияларни жорий этиш орқали Арманистоннинг энергетик ресурсларини диверсификация қилишга ёрдам беради», – деди Пашинян.

Жеймс Дэвид Вэнс 9 феврал куни Арманистонга расмий ташриф билан етиб келди. Арман оммавий ахборот воситалари хабар беришича, сафар давомида унга турмуш ўртоғи ва фарзандлари ҳамроҳлик қилмоқда. Америка делегацияси таркибида, шунингдек, АҚШ давлат котибининг иқтисодий ўсиш, энергетика ва атроф-муҳит масалалари бўйича ўринбосари Жейкоб Ҳелберг ҳам бор.

Ядро энергетикаси соҳасида ҳамкорлик тўғрисидаги келишув имзоланишидан олдин АҚШ вице-президенти ва Арманистон бош вазири яккама-якка форматда, кейин эса кенгайтирилган таркибда учрашув ўтказган.

АҚШ ва Арманистон ўртасидаги муносабатлар

«Арменпресс» онлайн нашрининг ёзишича, Никол Пашинян Жеймс Дэвид Вэнс Арманистонга ташриф буюрган америкалик энг юқори лавозимли шахс эканини алоҳида таъкидлади.

«Менимча, бу фақат протоколга оид масала эмас, балки сўнгги йилларда, айниқса охирги бир йил ичида Арманистон ва Қўшма Штатлар ўртасидаги муносабатларда юз берган ривожланишларнинг аксидир», – деди Пашинян.

Шунингдек, у АҚШ президенти Доналд Трампга ва Жеймс Дэвид Вэнснинг ўзига 2025 йил август ойида Арманистон ва Озарбайжон ўртасида тинчлик ўрнатилган саммитни ташкил этгани учун миннатдорлик билдирди. Шу билан бирга, Пашинян «АҚШ президенти Доналд Трамп 2026 йилги Нобел тинчлик мукофотига адолатли равишда сазовор бўлишига чин дилдан умид билдираман», – деб айтганини «News.am» онлайн нашри хабар қилди.

Teglar

АрманистонНикол ПашинянАҚШядровий соҳаВэнс

Mavzuga oid

Эроннинг янги раҳбари махфий тарзда Москвага олиб кетилгани айтилмоқда
Kecha 08:55

Эроннинг янги раҳбари махфий тарзда Москвага олиб кетилгани айтилмоқда

Яқин Шарқдаги уруш бошлангандан бери жамоатчиликка кўриниш бермаган Эрон Олий раҳбари Мўжтабо Хоманаий даволаниш учун яширин рейс билан Россия пойтахтига эвакуация қилинди, деб ёзмоқда Кувайт нашрлари.

Уруш Форс кўрфази давлатларида жиддий иқтисодий қулашга олиб келиши мумкин
Kecha 17:00

Уруш Форс кўрфази давлатларида жиддий иқтисодий қулашга олиб келиши мумкин

Жанговор ҳаракатлар апрел охиригача давом этса ва Ҳўрмуз бўғозининг икки ойлик блокировкасига олиб келса, Қатар ва Кувайтнинг йиллик ЯИМи 14 фоизга тушиши мумкин.

Трампнинг режалари ўзгарди: Украина энди АҚШ учун устувор вазифа эмас — FT
Kecha 09:15

Трампнинг режалари ўзгарди: Украина энди АҚШ учун устувор вазифа эмас — FT

Оқ уй раҳбари Доналд Трампнинг Россия-Украина можаросини тинч йўл билан ҳал қилишга бўлган қизиқиши совиб бормоқда. Вашингтоннинг бор эътибори энди Яқин Шарққа қаратилган.

Қозоғистондаги референдумда 86,7 фоиз сайловчилар янги Конституцияни қўллаб-қувватлади
Kecha 08:25

Қозоғистондаги референдумда 86,7 фоиз сайловчилар янги Конституцияни қўллаб-қувватлади

Қозоғистонда ўтган референдум натижаларига кўра, мамлакат давлат бошқарувининг мутлақо янги моделига ўтади: вице-президентлик лавозими қайта тикланади ва парламент тизими тубдан ўзгаради.

Глобал «юмшоқ куч» индекси эълон қилинди: Ўзбекистон 92-ўринда
Kecha 21:20

Глобал «юмшоқ куч» индекси эълон қилинди: Ўзбекистон 92-ўринда

Мазкур индекс мамлакатларнинг ҳарбий ёки иқтисодий босимсиз, маданият, дипломатия ва халқаро обрў орқали таъсир ўтказиш имкониятини баҳолайди.

Трамп Ҳўрмуз бўғози ёпилишини олдиндан билган — «The Wall Street Journal»
Kecha 07:55

Трамп Ҳўрмуз бўғози ёпилишини олдиндан билган — «The Wall Street Journal»

АҚШ Президенти Доналд Трамп Эронга қарши ҳарбий амалиёт бошлашдан аввал Ҳўрмуз бўғози қамал қилиниши мумкинлигидан огоҳлантирилган, бироқ у тезкор ғалабага ишониб, бу хавфни эътиборсиз қолдирган.