AYQSHlarda tushum 3,3 trln so‘mga yetdi

Kecha 20:301 daqiqa

O‘zbekistonda avtoyo‘qilg‘i quyish shoxobchalari tushumi may oyida 3,3 trillion so‘mdan oshdi. Naqdsiz to‘lovlar ulushi esa 100 foizga yetdi.

2026-yil may oyida O‘zbekistondagi avtoyo‘qilg‘i quyish shoxobchalari (AYQSH) orqali amalga oshirilgan savdo tushumi 3 trillion 326,6 milliard so‘mni tashkil qildi. Bu haqda Markaziy bank ma’lum qildi.

Taqqoslash uchun, 2025-yil may oyida mazkur ko‘rsatkich 2 trillion 932,6 milliard so‘m bo‘lgan. Shu tariqa, bir yil ichida tushum hajmi 393,9 milliard so‘mga yoki 13,4 foizga oshgan.

2024-yil may oyida esa AYQSHlar orqali qayd etilgan umumiy savdo tushumi 2 trillion 175,8 milliard so‘mni tashkil etgan.

Naqdsiz to‘lovlar ulushi oshdi

Markaziy bank ma’lumotlariga ko‘ra, 2024-yil may oyida avtoyo‘qilg‘i quyish shoxobchalaridagi naqdsiz to‘lovlar ulushi 34 foizni tashkil qilgan bo‘lsa, 2025-yilda bu ko‘rsatkich 36 foizga yetgan.

2026-yil may oyida esa barcha hisob-kitoblar naqdsiz shaklda qayd etilgan va ushbu ko‘rsatkich 100 foizni tashkil etgan.

Markaziy bank qayd etishicha, tushumning o‘sishi nafaqat savdo faolligining oshishi, balki hisob-kitoblarning yagona raqamli ma’lumotlar tizimida yanada to‘liq aks eta boshlagani bilan ham bog‘liq bo‘lishi mumkin.

Teglar

Raqamlashtirish Savdo Yoqilg‘i To‘lovlar AYQSH MarkaziyBank

Mavzuga oid

Kecha 08:00

Sud tizimida halol va pok ish yuritishni ta’minlash uchun Komplayens nazorati tashkil etiladi

Yangi xizmat korrupsiyaviy xavf-xatarlarni aniqlash, baholash va oldini olish, qonunchilik hamda kasb etikasi talablariga rioya etilishini monitoring qilish bilan shug‘ullanadi.

Kecha 11:25

Qoraqalpog‘istonda kripto kompaniyalarga yangi imtiyozlar berilishi mumkin

Qoraqalpog‘istondagi «Besqala Mining Valley» maxsus zonasi rezidentlari uchun kriptoaktivlar sohasidagi yig‘imlarni bekor qilish taklif etildi.

08.06.2026 | 21:45

Barcha oliy ta’lim muassasalarida «Tadbirkorlik asoslari» fani o‘qitiladi

2026-yilda O‘zbekiston oliygohlarini 320 ming nafar talaba bitiradi. Prezident mazkur yoshlarni ish bilan ta’minlash va tadbirkorlikka jalb qilish bo‘yicha yangi mexanizmlarni ko‘rib chiqdi.

Kecha 10:25

Bugun qaysi banklarda dollar ayirboshlash qulayroq?

O‘zbekistonda tijorat banklari 9-iyun kuni uchun amalda bo‘ladigan dollarning yangi ayirboshlash kursini e’lon qildi.

Kecha 10:30

Farg‘onada keshbek orqali 3,2 mlrd so‘m talon-toroj qilindi

Farg‘ona viloyatida «Soliq Mobile» ilovasi orqali soxta xarid cheklari va elektron hisob-fakturalar rasmiylashtirish yo‘li bilan davlat budjeti mablag‘larini talon-toroj qilish sxemasi fosh etildi.

Kecha 20:02

Toshkent xalqaro investitsiya forumi: 99 davlatdan 8 mingdan ziyod ishtirokchi kutilmoqda

Joriy yilgi forumda qator muhim yo‘nalishlarni (jumladan, farmatsevtika, qurilish materiallari, transport-logistika, turizm va ta’lim) qamrab oluvchi investitsiya kelishuvlarining yirik to‘plamini imzolash rejalashtirilgan.