Энг яхши микрокредит ва автокредит ставкаларини қайси банклар таклиф қилмоқда?
Марказий банк мамлакатдаги тижорат банклари таклиф қилаётган микроқарз ва автокредитларнинг янгиланган фоиз ставкаларини маълум қилди.
© ShutterstockМарказий банк мамлакатдаги тижорат банклари томонидан аҳолига ажратилаётган микроқарз ва автокредитлар бўйича ўртача фоиз ставкаларини янгилади. 2026-йил 26-октябр ҳолатига аҳолига ажратилаётган микроқарзлар бўйича ўртача фоиз ставкаси 27,9 фоизни, автокредитлар бўйича эса 21,6 фоизни ташкил этди. Ўтган ҳафтада бу кўрсаткичлар мос равишда 28,3 ва 21,4 фоизни ташкил этганди.
Микроқарз ставкалари
Микроқарзлар бўйича энг паст ўртача фоиз ставкаси «Mikrokreditbank»да қайд этилган — 21,9 фоиз. Кейинги ўринларда «SQB» — 23,8 фоиз, «Infinbank» — 24,0 фоиз, «Asaka bank» — 24,2 фоиз ва «Trastbank» — 24,3 фоиз билан жойлашган.
Шунингдек, «Asia Alliance bank»да микроқарз ставкаси 24,6 фоиз, «Milliy bank»да 24,8 фоиз, «Xalq banki»да 25,1 фоиз, «Universal bank»да 25,2 фоиз ва «Aloqabank»да 25,3 фоизни ташкил этмоқда.
«Agrobank»да бу кўрсаткич 25,6 фоиз, «Ziraat bank»да 26,5 фоиз, «Kapital bank»да 27,0 фоиз ва «Poytaxt bank»да 27,3 фоизга тенг.
Юқорироқ ставкалар «OFB»да 27,8 фоиз, «BRB»да 29,2 фоиз, «Hamkorbank»да 30,2 фоиз, «Garant bank»да 30,3 фоиз ва «Apex bank»да 31,4 фоиз билан қайд этилган. «Ipoteka bank»да ставка 33,1 фоиз, «Anor bank»да 34,4 фоиз, «Davr bank»да 34,7 фоиз, «Tenge bank»да 35,0 фоиз ва «Ipak yuli bank»да 36,1 фоизни ташкил этмоқда.
«Uzum bank»да бу кўрсаткич 38,0 фоиз, «AVO bank»да 39,9 фоиз ва «TBC bank»да 41,1 фоизга етган. Тақдим этилган рўйхатда микроқарзлар бўйича ўртача ставка 27,9 фоизни ташкил этмоқда.
Автокредит ставкалари
Автокредитлар бўйича энг паст ўртача фоиз ставкаси «BRB»да — 18,0 фоиз. Кейинги ўринларда «Aloqabank» — 18,6 фоиз, «Asaka bank» — 18,8 фоиз ва «Ipoteka bank» — 19,8 фоиз билан жойлашган.
«Ipak yuli bank» автокредитларни 21,0 фоиз, «Asia Alliance bank» 21,1 фоиз, «SQB» 21,2 фоиз ва «Milliy bank» 21,3 фоиз ставкада таклиф қилмоқда. «Turon bank» ва «TBC bank»да ставка бир хил — 22,2 фоиз. «Mikrokreditbank»да бу кўрсаткич 22,4 фоиз, «Poytaxt bank»да 22,5 фоиз ва «OFB»да 22,7 фоизни ташкил этмоқда.
Бошқа банкларда автокредит ставкалари қуйидагича: «Trastbank» — 23,2 фоиз, «Apex bank» — 23,7 фоиз, «Garant bank» — 24,0 фоиз, «Davr bank» — 25,3 фоиз, «Hamkorbank» — 26,8 фоиз ва «Anor bank» — 28,5 фоиз. Тақдим этилган рўйхатда автокредитлар бўйича ўртача ставка 21,6 фоизни ташкил этмоқда.
Эслатиб ўтамиз, аввалроқ Ўзбекистон банкларида муаммоли кредитлар ҳажми 25 трлн сўмдан ошганлиги ҳақида хабар берилганди.
