Ўзбекистонда отанинг исмини болага фамилия қилиб бериш мумкин бўлади

Bugun 16:271 daqiqa

Амалдаги нормага кўра, боланинг фамилияси ота-онанинг фамилиясига қараб белгиланади. Ота ёки она томонидан миллий анъаналарга кўра бобонинг исми ҳам фамилия қилиб берилиши мумкин.

Ўзбекистонда отанинг исмини болага фамилия қилиб бериш мумкин бўлади

Сенатнинг 8-август куни бўлиб ўтган 18-ялпи мажлисида отанинг исмини болага фамилия қилиб беришга рухсат этувчи қонун сенаторлар томонидан маъқулланди.

Амалда боланинг фамилияси ота-онанинг фамилиясига қараб белгиланади. Ота ёки она томонидан миллий анъаналарга кўра бобонинг исми ҳам фамилия қилиб берилиши мумкин. Ота-она ўртасида боланинг исми ёки фамилияси бўйича келишув бўлмаганда, келиб чиққан низо васийлик ва ҳомийлик органи томонидан ҳал этилади.

Шунингдек, қонун билан Оила кодексининг 69-моддасига отанинг исмини болага фамилия сифатида бериш бўйича ўзгартириш киритилмоқда.

Сенаторлар отанинг исмини болага фамилия сифатида берилишининг қонунчиликда белгиланиши фуқароларга қўшимча қулайликлар яратиб, миллий ва диний анъаналарга мувофиқ уларнинг хоҳиш-истакларини рўёбга чиқаришга хизмат қилишини таъкидлади.

Қонун сенаторлар томонидан маъқулланиб, имзолаш учун президентга юборилди.

Teglar

қонун Сенат Оила кодекси бола Ўзбекистон фамилия миллий анъана исм

Mavzuga oid

Kecha 14:35

Ўзбекистон ва Қозоғистондаги қурилишлар ўртасидаги ўхшашлик ҳамда фарқлар нимада?

Ўзбекистонда жорий йил январь–июнь ойларида жами 192 триллион сўмлик ёки 16,1 миллиард долларлик қурилиш ишлари бажарилган. Қозоғистонда эса қурилиш ҳажми 4,1 триллион тенге ёки 8,6 миллиард долларга етган.

Kecha 08:00

Тошкентнинг Амир Темур ва Янгишаҳар кўчаларида 24/7 форматидаги ҳудудлар барпо этилади

Шунингдек, пойтахт ҳовлиларида имконияти чекланган аҳоли учун мослаштирилган инклюзив болалар ва спорт майдончалари қурилади.

06.08.2026 | 22:19

Муқобили бепул бўлиши шарт бўлган пулли йўллар, Ҳиндистондан келаётган гўшт ва рекорд ўрнатган электромобиллар савдоси — 6 август дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Kecha 21:35

Жавоҳир Синдоров «Saint Louis Rapid & Blitz» турнирида қанча ишлаб топди?

22–27-август кунлари бўлиб ўтадиган финалнинг соврин жамғармаси эса 450 минг долларни ташкил қилади, шундан 200 минг доллар ғолибга берилади. Сент-Луисдаги муваффақиятли иштирок Синдоровга финалга чиқиш учун курашда ўз позициясини яхшилаш имконини берди.

Kecha 20:40

Ўзбекистон сунъий интеллект хизматлари ҳажмини 1,5 миллиард долларга етказмоқчи

Мамлакат сунъий интеллектга тайёрлик бўйича халқаро рейтингда 25 поғона юқорилаб, 62-ўринга кўтарилди. Республика 2030-йилгача дунёдаги энг илғор 50 та давлат қаторига киришни мақсад қилган.

Bugun 12:00

Ўзбекистонда «Автомобиль йўллари тўғрисида»ги янги таҳрирдаги қонун қабул қилинди

Унга кўра, автомобиль йўллари умумий фойдаланишдаги, шаҳарлар ва бошқа аҳоли пунктлари кўчалари ҳамда хўжалик аҳамиятига эга йўлларга ажратилади. Қолаверса, йўлларни давлат мулки сифатида бошқариш, уларни ривожлантириш ва сақлаш бўйича давлат органларининг ваколатлари аниқ белгилаб берилган.