Oziq-ovqat mahsulotlariga sanitariya xulosasi berish tartibi belgilandi

Bugun 17:45391

Hukumat qarori bilan oziq-ovqat va qishloq xo‘jaligi mahsulotlariga sanitariya-epidemiologik xulosa berish bo‘yicha yangi tartibni tasdiqlandi.

Oziq-ovqat mahsulotlariga sanitariya xulosasi berish tartibi belgilandi

13-noyabr kuni qabul qilingan 720-sonli Hukumat qarori bilan «Oziq-ovqat va qishloq xo‘jaligi mahsulotlariga sanitariya-epidemiologik xulosa berish bo‘yicha davlat xizmatini ko‘rsatish»ning ma’muriy reglamenti tasdiqlandi. Mazkur xulosa 3 yil muddatga rasmiylashtirilishi ko‘zda tutildi.

Yangi tartibga ko‘ra, xulosa chetdan olib kirilayotgan mahsulotga mahsulotning yaroqlilik muddati davomida beriladi. Yaroqlilik muddati ko‘rsatilmagan mahsulotlarga esa muddat belgilamasdan sanitariya-epidemiologik baho taqdim etiladi.

Sanitariya-epidemiologik xulosa bir qator holatlarda majburiy hisoblanadi. Jumladan, yangi mahsulot ishlab chiqarish yo‘lga qo‘yilganda, mahsulot tarkibi o‘zgarganda, texnologik jarayon qismlari yoki jamlanmalari almashtirilganda xulosa olinishi shart. Shuningdek, tajriba tariqasida ishlab chiqarilgan mahsulotlar, respublikaga olib kirilayotgan oziq-ovqat va qishloq xo‘jaligi tovarlari ham sanitariya xulosasiz muomalaga chiqarilmaydi.

Shuningdek, amaldagi sanitariya-epidemiologik xulosaning muddati tugaganda korxona yoki tadbirkor uni qayta rasmiylashtirishi lozim. Davlat xizmatiga murojaat Davlat xizmatlari markazlari orqali yoki elektron tarzda YAIDXP — my.gov.uz orqali amalga oshiriladi.

Reglamentga muvofiq, Sanitariya-epidemiologik osoyishtalik va jamoat salomatligi qo‘mitasi xulosani QR-kod bilan tasdiqlaydi va natijani bir ish kuni ichida ariza beruvchining shaxsiy kabinetiga yuborish imkoniyatini yaratadi.

Teglar

hukumat qarori oziq-ovqat Qishloq xo‘jaligi sanitariya xulosasi

Mavzuga oid

11.11.2025 | 15:10

Birjada shakar va paxta tolasi narxlarida pasayish kuzatildi

O‘tgan hafta davomida o‘tkazilgan birja savdolari avvalgi haftaga nisbatan 11,5 foizga kamaygani ma’lum bo‘ldi.

Bugun 16:25

Farg‘onada Janubiy Koreya kompaniyasi avtomobil ehtiyot qismlarini ishlab chiqaradi

Janubiy Koreyaning «Hansae Mobility» kompaniyasi Farg‘onada 30 mln dollarlik sanoat loyihasini boshlab, 200 dan ortiq ish o‘rni yaratadi.

10.11.2025 | 18:55

O‘zbekistonda bozor xizmatlari hajmi 722 trln so‘mdan oshdi

Bozor xizmatlarining asosiy qismini yashash va ovqatlanish, transport, moliya hamda savdo sohalari tashkil etdi.

13.11.2025 | 08:58

Xitoyning BYD shirkati Parijdan ham kattaroq avtozavod qurmoqda

Xenan provinsiyasidagi mega loyiha yiliga 1 million elektromobil ishlab chiqarish quvvatiga ega bo‘ladi.

10.11.2025 | 19:15

Andijon va Farg‘onada subsidiya pullari talon-taroj qilingani fosh bo‘ldi

2023–2024 yillarda ajratilgan subsidiyalarning Andijonda 33, Farg‘onada 15 foizi o‘zlashtirilgani va maqsadsiz sarflangani aniqlandi. Iqtisodiy jinoyatlarga qarshi kurashish departamenti bo‘yicha jinoyat ishi qo‘zg‘atilgan.

11.11.2025 | 08:58

Qish oldidan aholi yoqilg‘i va kommunal xizmatlar narxlaridan xavotirda

Markaziy bank ma’lumotlariga ko‘ra, aholi va tadbirkorlar orasida inflatsiya kutilmalari tarixiy minimumga yetdi. Biroq odamlar kommunal to‘lovlar, yoqilg‘i va energiya narxlari, shuningdek, asosiy oziq-ovqat mahsulotlari qimmatlashishidan xavotirda ekanligini bildirgan.