Qirg‘izistonda Atamboyevning o‘g‘li va uning tarafdorlari hibsga olindi

Qirg‘iziston Ichki ishlar vazirligi parlament (Jogorku Kenesh) saylovlaridan so‘ng ommaviy tartibsizliklar uyushtirishga tayyorgarlik ko‘rayotgan 10 kishilik guruh qo‘lga olinganini xabar qildi. Vazirlik ma’lumotiga ko‘ra, guruh tarkibida siyosatchilar, sobiq deputatlar, avvalgi amaldorlar va kuch tuzilmalarining oldingi xodimlari bo‘lgan.

IIV bergan xabarga ko‘ra, hibsga olinganlar saylov yakunlari e’lon qilinganidan keyin mamlakatda bir qator namoyishlar o‘tkazmoqchi bo‘lgan: dastlab janubiy hududlarda, so‘ngra Bishkek va boshqa viloyatlarda, keng miqyosdagi norozilik borligini ko‘rsatish maqsadida.

Shuningdek, vazirlik ularning rejalarida konstitutsiyaga zid chaqiriqlar, ma’muriy binolar, telekanallar, kuch tuzilmalari ob’ektlari, qurol-aslaha omborlari va jazoni ijro etish muassasalarini egallab olishga urinishlar bo‘lganini ta’kidladi.

Milliy xavfsizlik davlat qo‘mitasi hibsga olinganlar orasida sobiq prezident Almazbek Atamboyevning o‘g‘li Qodir Atamboyev hamda uning tarafdorlari borligini ma’lum qildi.

Qirg‘izistonda muxolifatchilarga nisbatan tergov harakatlari kuchaytirildi

Qirg‘izistonda 22-noyabr kuni ommaviy tartibsizliklar ishi bo‘yicha qator siyosiy faollar va sobiq amaldorlar uylarida tintuvlar o‘tkazildi, bir nechta shaxslar qo‘lga olindi. Ular orasida Temirlan Sultanbekov ham borligi aytildi, unga hukumatni almashtirishga da’vatlarda ishtirok etgani haqida gumon ilgari surilgan. Mahalliy OAVga ko‘ra, sobiq iqtisodiy jinoyatlarga qarshi kurash xizmati rahbari Siymik Japikeyev, shuningdek bir necha sobiq deputatlar uylarida ham obisklar amalga oshirilgan. Tergov doirasida sobiq prezident Almazbek Atamboyevning rafiqasi Raisa Atamboyeva va o‘g‘li Qodirbek Atamboyev ham so‘roqqa chaqirilgan.

Sentyabr oyida esa Bishkek sudi mustaqil “Kloop” portali sobiq xodimlarini ommaviy tartibsizlikka da’vatlarda ayblab, besh yilga ozodlikdan mahrum etgani mamlakatda bahs munozaralarini kuchaytirgan edi. Bu jarayonlar 30-noyabr kuni o‘tkaziladigan parlament saylovlariga t-ri keldi,