ЕТТБ Қозоғистоннинг йирик йўл лойиҳасига 229,5 млрд тенге ажратди

Қозоғистон Ғарбий Европа-Ғарбий Хитой транспорт йўлагининг муҳим қисмини модернизация қилиш учун Европа тикланиш ва тараққиёт банкидан (ЕТТБ) 229,5 миллиард тенге миқдорида маблағ жалб қилди.
 
Ушбу келишув Брюсселда Транскаспий халқаро транспорт йўналишини (ТИТР) ривожлантириш бўйича халқаро бизнес конференциясида имзоланди.
 
Лойиҳа автомобиль йўлининг 234 километрини қамраб олади. Қуриб битказилгандан сўнг, йўл асфальт-бетон қопламали ва максимал лойиҳавий тезлиги соатига 120 км бўлган тўрт йўлакли биринчи тоифали автомобиль йўлига айлантирилади.
 
“ЕТТБ билан тузилган келишув Қозоғистоннинг энг йирик инфратузилма лойиҳаларидан бирини амалга оширишда муҳим қадамдир. Бу шунчаки йўлларни реконструкция қилиш лойиҳаси эмас, балки мамлакатнинг транзит салоҳиятига, йўл ҳаракати хавфсизлигига, Ақтўбе вилоятини ривожлантиришга ва Қозоғистоннинг Евроосиёдаги асосий транспорт маркази сифатидаги ролига инвестициядир”,- дейди ҚазАвтоЖол бошқаруви раиси Дарҳан Иманашев.
 
Лойиҳа умумий 523 миллиард тенгега баҳоланмоқда ва Европа тикланиш ва тараққиёт банки (ЕТТБ) ва Осиё инфратузилма инвестиция банки (АИИБ) каби халқаро молия институтлари кўмагида молиялаштирилмоқда.
 
Автомагистраль қурилиш жараёнида 3000 дан ортиқ иш ўринларини ва қуриб битказилгандан сўнг 124 та доимий иш ўринларини яратиши, тахминан 25,5 миллиард тенге миқдорида иқтисодий фойда келтириши кутилмоқда.