1 avgustdan chiqindidan qarzdorlariga elektr uchun to‘lov qilish cheklanadi

11.07.2025 | 20:455503

2025 yil 1 avgustdan boshlab chiqindilar uchun qarzdorlikka ega abonentlarning elektr energiyasi to‘lovi vaqtincha cheklanadi. Bu «Chiqindilarni yig‘ish va olib chiqish xizmatlari bo‘yicha to‘lov intizomini mustahkamlashga qaratilgan» 2025 yil 7 martdagi 1044-sonli Qonunga asosan joriy etilmoqda.

1 avgustdan chiqindidan qarzdorlariga elektr uchun to‘lov qilish cheklanadi

Yangi tartibga ko‘ra, har oyning 3 sanasiga qadar qarzdor abonentlar to‘g‘risidagi ma’lumotlar «Toza makon» elektron tizimi orqali «Hududiy elektr tarmoqlari» AJga yuboriladi. 5 sanaga qadar esa «2100» raqami orqali abonentlarga SMS orqali ogohlantirish yuboriladi. Shundan so‘ng, abonentlarga qarzdorlikni bartaraf etish uchun 5 kunlik muddat beriladi. Agar bu vaqt ichida chiqindi to‘lovi amalga oshirilmasa, abonentlarning elektr energiyasi uchun to‘lov qilish imkoniyati vaqtincha cheklanadi. Qarz to‘langandan so‘ng cheklov avtomatik ravishda bekor qilinadi. Qayd etilishicha, ushbu cheklov tartibi 2025 yil 30 iyunga qadar yig‘ilgan qarzlarga nisbatan qo‘llanilmaydi. Faqatgina 1 iyuldan keyingi qarzdorliklar asosida 1 avgustdan boshlab tatbiq etiladi. Bunda sanitar tozalash korxonalari xizmatlarining sifatli ko‘rsatilishi uchun mas’ul hisoblanadi. Agar xizmatlar o‘z vaqtida va to‘liq ko‘rsatilmasa, to‘lovlar qayta hisoblab chiqiladi. Abonentlar xizmatlar bo‘yicha shikoyat va takliflarini «1205» qisqa raqami orqali 24/7 rejimida bildirishlari mumkin. Eslatib o‘tamiz, mazkur Qonun avvalroq 2024 yil 24 dekabrda Qonunchilik palatasi tomonidan qabul qilingan va 2025 yil 21 fevralda Senat tomonidan ma’qullangan edi.

Teglar

qarzdorlik chiqindi xizmatlari elektr to‘lovi Toza makon

Mavzuga oid

Kecha 18:10

Mirziyoyev prokuror nazoratini raqamlashtirish va sun’iy intellekt joriy etishni topshirdi

Yil boshidan beri tergov organlari tomonidan 1300 ta qarorni qabul qilishda protsessual talablar buzilgan, 637 ta jinoyat ishi esa kamchiliklar tufayli sudlar tomonidan tergovga qaytarilgan.

28.10.2025 | 11:00

Bugun qaysi banklarda dollar ayirboshlash qulayroq?

O‘zbekistonda tijorat banklari 28 oktyabr kuni uchun amalda bo‘ladigan dollarning yangi ayirboshlash kursini e’lon qildi.

02.11.2025 | 15:40

Toshkent aholisi bir oyda 60 mlrd so‘mlik keshbek oldi

Soliq qo‘mitasi 2025 yil sentyabr oyida qaysi hududlarda iste’molchilar ko‘proq keshbekka ega bo‘lganini ma’lum qildi.

31.10.2025 | 19:50

Ertadan o‘zbekistonliklar hayotida nimalar o‘zgaradi?

1 noyabrdan O‘zbekistonda qator qonunchilik va ma’muriy o‘zgarishlar kuchga kirmoqda. Ular tadbirkorlikka yordam berish, aholining ayrim toifalarini qo‘llab-quvvatlash, kasbga qayta tayyorlanish imkoniyatlarini kengaytirish va davlat xizmatlari samaradorligini oshirishga qaratilgan.

31.10.2025 | 09:52

Mamlakat bo‘ylab kuchli shamol va chang-to‘zonlari kuzatilishi mumkin — O‘zgidromet

O‘zgidromet 31 oktyabr kuni O‘zbekistonning bir qator hududlarida kuchli shamol va chang-to‘zonlar kuzatilishi ogohlantirib, aholidan ehtiyot choralarini ko‘rishlarini so‘radi.

Kecha 14:25

O‘zbekistonda 100 mingta yangi Cobalt 2,5 soatda sotildi

UzAuto Motors kompaniyasi 3 noyabr kuni yangi Chevrolet Cobalt avtomobillarini sotishni boshladi. Bor-yo‘g‘i 2 soat 26 daqiqada 100 mingta mashina uchun shartnoma tuzildi, ularning 99 foizdan ortig‘ini jismoniy shaxslar xarid qildi.