2025 yilning avgust oyida O‘zbekiston banklaridagi eng daromadli so‘m omonatlari

Spot nashri O‘zbekiston banklaridagi oflayn va onlayn omonatlar shartlarini o‘rgandi. 2025 yil avgust oyi holatiga so‘mdagi omonatlarini 24 ta bankda ochish mumkin. Garchi 2025 yilning fevralida stavkalar pasaytirilganiga qaramasdan, bozordagi o‘rtacha yillik foiz stavkasi 20–21 foiz darajasida saqlanmoqda va bu hali ham 8 foizlik inflyatsiya darajasidan ancha yuqori. Foiz stavkalari 17 foizdan 23 foizgacha o‘zgarib turibdi. Eng yuqori — 23 foizlik yillik stavkani ANORBANK va «POYTAXT BANK» taklif qilmoqda. Biroq bu kabi yuqori foizli omonatlar odatda cheklovlar bilan beriladi: ularni to‘ldirib bo‘lmaydi yoki muddatidan oldin yechib olish mumkin emas. Ayrim banklar qo‘shimcha mablag‘ kiritishni faqat ilk oylarda yoki belgilangan minimal summadan oshgan taqdirdagina qabul qiladi. Masalan, Universal Bank omonatga qo‘shimcha kiritish uchun kamida 500 ming so‘m talab qiladi. Shu bilan birga, o‘rtacha daromadli (20–21 foizlik) va shartlari egiluvchan bo‘lgan omonatlar soni ortib bormoqda. Bunday turdagi omonatlar hisobiga qo‘shimcha mablag‘ qo‘shish, ayrim hollarda esa qisman yechib olish mumkin, bu esa kengroq mijozlar uchun qulaylik yaratadi. Omonat ochish uchun minimal kirish summasi 10 ming so‘mdan boshlanadi, ammo ko‘pchilik banklar 500 ming–1 mln so‘m orasida talab qiladi. Eng yuqori kiritish chegarasi Tenge Bankda — 10 mln so‘m. Muddatidan oldin omonatni yopishda foizlar muddatga qarab qayta hisoblanadi va ortiqcha to‘langan miqdor asosiy summadan chegirib qolinadi. Shu bois, mijozlar shartlarni oldindan to‘liq o‘rganib chiqishi tavsiya etiladi.  

Bank	Stavka	Min. Сумма (so‘m)	Muddat	To‘ldirish	Yechish
«POYTAXT BANK»	23 foiz	1 mln	24 oy	-	-
ANORBANK	23 foiz	500 ming	24 oy	Dastlabki 12 oy	500 ming qoldik bilan
ASIA ALLIANCE BANK	22 foiz	1 mln	24 oy	-	-
Infin Bank	22 foiz	1 mln	24 oy	Dastlabki 12 oy	1 mln
Universal Bank	22 foiz	500 ming	22 oy	Minimum 500 ming	-
«Ipoteka-bank»	21 – 22 foiz*	500 ming	24 oy	Dastlabki 3 oy	-
TBC BANK	20 – 22 foiz***	100 ming	do 24 oy	-	-
«Davr bank»	21 foiz	100 ming	do 60 oy	+	+
«Turonbank»	21 foiz	100 ming	18 oy	+	+
«AloqaBank»	21 foiz	1 mln	18 oy	-	-
«Trastbank»	21 foiz	500 ming	24 oy	Dastlabki 12 oy	500 ming qoldiq bilan
«O‘zsanoatqurilishbank»	21 foiz	100 ming	13 oy	-	-
«Agrobank»	21 foiz	500 ming	13 oy	Minimum 500 ming	500 ming qoldiq bilan
«Asakabank»	19−21 foiz**	100 ming	24 oy	+	-
NBU	20−21 foiz*	500 ming	6 oy	+	-
«Biznesni rivojlantirish banki»	20− 21 foiz*	500 ming	13 oy	+	+
«Mikrokreditbank»	20−21 foiz*	3 mln	do 24 oy	+	3 mln qoldiq bilan
«Kapitalbank»	20 foiz	100 ming	25 oy	+	-
Garant Bank	20 foiz	10 ming	555 oy	Dastlabki 333 kun	-
HamkorBank	20 foiz	500 ming	13 oy	+	+
«Ipak Yo‘li»	20 foiz	1 mln	24 oy	-	-
Tenge Bank	19 foiz	10 mln	12 oy	-	-
Xalq Bank	19 foiz	100 ming	24 oy	+	-
Orient Finans Bank	17−18 foiz*	1 mln	13 oy	-	-

* — omonatlar stavkasi onlayn yoki oflan ochilishiga qarab farqlanishi mumkin. ** — bankning mobil ilovasi orqali ochilganda +2 foiz qo‘shiladi. *** — omonatni to‘ldirish yoki pul yechish rad etilgan holatlarda stavkaga 2 foiz qo‘shiladi.

P.S. Maqolada ko‘rsatilgan ma’lumotlar maqola e’lon qilingan vaqt uchun taalluqli va tanishtiruvchi xarakterga ega. Ma’lumotlarni banklardan aniqlashtirib olish tavsiya qilinadi.