Bahor yaqin: Ertadan «metan zapravka»lar odatdagidek ishlaydi
11-fevraldan respublika bo‘ylab, jumladan vodiy viloyatlarida ham «metan zapravka»lar bosqichma-bosqich odatiy ish rejimida faoliyat yurita boshlaydi.
Ertaga, 11-fevral kuni soat 09:00 dan boshlab respublika bo‘ylab, jumladan vodiy viloyatlarida ham «metan zapravka»lar bosqichma-bosqich odatiy ish rejimida faoliyat yurita boshlaydi. Bu haqda Energetika vazirligi matbuot xizmati xabar berdi.
Ma’lumot uchun, 20-yanvar kuni havo harorati pasayishi sababli metan «zapravka»lar faoliyatiga vaqtincha cheklov kiritilgandi. 2-fevraldan boshlab esa «metan zapravka»lar soat 10:00 dan 16:00 gacha faoliyat yuritishni boshlagan.
Avvalroq, Bosh vazir o‘rinbosari Jamshid Xo‘jayev hozir O‘zbekistonda «metan zapravka» qurishga ruxsat yo‘q ekani va bor «zapravkalar»ga ham gaz yetkazib berisholmayotgani haqida aytgandi.
