Dohada Isroil otashkesim muzokaralarini cho‘zmoqda — kelishuvdan darak yo‘q
17.07.2025 | 08:4023653
Qatar poytaxti Dohada G‘azo sektoridagi urushni to‘xtatish bo‘yicha muzokaralar davom etmoqda. Ammo manbalarga ko‘ra, Isroil jiddiy muruvvat qilmayapti va muzokaralarni ataylab cho‘zmoqda. HAMAS esa mart oyidagi kelishuvlar asosida Filadelfiya koridori nazoratini qaytarishni talab qilmoqda.
Manbalarning ta’kidlashicha, Isroil faqat harbiy kuchlarni chiqarish xaritasida arzimas o‘zgartishlar taklif qilmoqda — «bu yerdan yuz metr, u yerdan yana yuz metr» qabilida. Shu bilan birga, HAMAS muayyan masalalarda yon bermoqda, biroq uning asosiy shartlari o‘zgartirilmasligi kerakligini ta’kidlamoqda.
Otashkesim bo‘yicha natija 17 iyul kuni bo‘lib o‘tadigan Donald Tramp va Qatar bosh vaziri shayx Muhammad bin Abdurahmon Ol Soniy o‘rtasidagi uchrashuvga bog‘liq. Bu uchrashuv muzokaralarga jiddiy turtki berishi mumkin, chunki Isroil va HAMAS tomonlari AQSHdan aniq signal kutayapti.
Muzokaralar 6 iyul kuni AQSH taklif etgan 60 kunlik otashkesim rejasi asosida boshlangan. Reja bosqichma-bosqich garovdagilarni ozod qilish, Isroil kuchlarini qisman G‘azodan olib chiqish va urushni tugatish bo‘yicha qo‘shimcha kelishuvlarni o‘z ichiga oladi. Qatar, Misr va AQSH jarayonda vositachi sifatida qatnashmoqda.
AQSH prezidenti Donald Tramp 15 iyul kuni muzokaralar «yetarlicha muvaffaqiyatli» ketayapti, deb baho berdi. U yaqin vaqtda yangi tafsilotlarni e’lon qilishini va’da qilgan. Shuningdek, Isroil xavfsizlik kabineti 16 iyul kuni muzokaralar holatini muhokama qilgan. Isroil bosh vaziri Binyamin Netanyahu delegatsiyaga qaror qabul qilishda katta ixtiyor bergan.
Trampning Qatar rahbari bilan uchrashuvida Eronning yadroviy dasturi ham muhokama qilinishi kutilmoqda. Bu esa muzokaralarga yanada geostrategik ahamiyat bag‘ishlaydi.
SEO title:
Meta description:
