Ҳаж ва Умра зиёрати учун ягона электрон портал жорий этилди

Kecha 11:351 daqiqa

2026 йилдан Ҳаж ва Умра зиёратига бориш учун ягона портал орқали рўйхатдан ўтиш мажбурий бўлади.

Ҳаж ва Умра зиёрати учун ягона электрон портал жорий этилди

Ўзбекистонда Ҳаж ва Умра зиёратларини ташкил этиш тартиби тубдан янгиланмоқда. Энг муҳим ўзгаришга кўра, эндиликда муқаддас зиёратга боришни режалаштираётган фуқаролар махсус электрон платформа орқали рўйхатдан ўтиши шарт бўлади. Бу талабга амал қилинмасдан туриб, сафарларни ташкил этишга рухсат берилмайди.

Ўзбекистон Республикаси Вазирлар Маҳкамаси томонидан 2026 йил 24 январ куни қабул қилинган 27-сонли қарорга мувофиқ, Ҳаж ва Умра тадбирларини ташкил этиш тизимини рақамлаштириш ва шаффофлигини ошириш мақсад қилинган. Ҳужжатда зиёрат жараёнларини замонавий ахборот технологиялари орқали бошқариш асосий устувор вазифа сифатида белгиланган.

Ягона портални ишга туширишнинг сабаби

Ушбу тизим орқали зиёратчилар ҳақидаги барча маълумотлар электрон шаклда йиғилади ва сақланади. Бу давлат органлари ҳамда масъул ташкилотларга зиёрат жараёнларини самарали назорат қилиш, навбатлар ва квоталарни аниқ ҳисобга олиш имконини беради. Шу билан бирга, фуқаролар учун ҳам рўйхатдан ўтиш жараёни соддалаштирилади.

Қарор қачондан амал қилади?

Янги тартиб босқичма-босқич амалга киритилади. 2026 йил 1 февралдан бошлаб Ҳаж зиёратига бориш учун, 2026 йил 1 майдан эса Умра зиёрати учун ягона портал орқали рўйхатдан ўтиш мажбурий ҳисобланади.

Мутахассислар фикрича, мазкур янгилик зиёратларни ташкил этишдаги тартибсизликларни камайтиради, ноқонуний сафарлар олдини олади ва фуқаролар хавфсизлигини оширишга хизмат қилади. Рақамлаштирилган тизим орқали барча жараёнлар ягона базага жамланади.

Teglar

Вазирлар Маҳкамаси Умра ягона портал рақамлаштириш Ҳаж

Mavzuga oid

Kecha 18:52

Мирзиёев: «Терговда сон эмас, сифат бўлиши керак»

Президент Ҳуқуқни муҳофаза қилиш академияси йилига 200 дан ортиқ терговчи тайёрлаётганлигига қарамай, пойтахтда ички ишларда 100 та терговчи лавозими уч ойдан буён вакант эканлиги, бу юклама ҳам бошқа ходимларга тушгани учун сифат йўқолиб бораётганини танқид қилди.

Kecha 20:20

Ўш фожиалари: Ислом Каримов ва Чингиз Айтматовнинг урушни олдини олган мулоқоти тафсилотлари айтилди

1990 йил: Марказий Осиё «иккинчи Қорабоғ» бўлиш остонасида турган, қирғиз-ўзбек чегарасида ўн минглаб қуролли одамлар тўпланган ўта қалтис палла. Роза Айтматова ўшанда акаси Чингиз Айтматовнинг нега Тошкентга — Ислом Каримов ҳузурига шошилгани ва Каримовдан олган ваъдаси ҳақида гаприб берди.

Kecha 20:10

Онлайн иш ниқоби остидаги яна бир молиявий пирамида фош этилди

«Киберхавфсизлик маркази» ҳузуридаги UZCERT хизмати ижтимоий тармоқларда тарғиб қилинган «ML_Share» лойиҳаси ортида фирибгарлик схемаси борлигини аниқлади.

Kecha 20:00

Ўзбекистон Россиядан мигрантлар ҳуқуқларига амал қилишни талаб қилди

Ўзбекистон расмийлари Россиядаги миграция рейдлари пайтида фуқаролар ҳуқуқлари қонун бузилишидан қатъи назар таъминланиши шартлигини билдирди.

Kecha 18:25

Ўзбекистон аҳолиси бир йилда қарийб 700 минг кишига кўпайди

2025 йил якунларига кўра, мамлакатда аҳоли сонининг ортиши табиий ўсиш, яъни туғилишлар ҳисобидан бўлгани маълум қилинди.

Kecha 20:40

Мирзиёев Тошкент шаҳри қўриқлаш хизмати фаолияти билан танишди

Президент ички ишлар ва қўриқлаш хизмати ишларни маҳалладан бошлаши, хонадонларнинг ҳолатини ўрганиб, уларнинг хавфсизлигини таъминлаши зарурлигини алоҳида таъкидлади.