Hindistonda xususiy vertolyot quladi, 7 kishi halok bo‘ldi

16.06.2025 | 13:2210842

Hindistonning Uttarakxand shtatida yuz bergan vertolyot halokati oqibatida 7 kishi hayotdan ko‘z yumdi. Fojia yakshanba kuni ertalab, Kedarnathdan Guptkarshga uchayotgan Aryan Airlines xususiy shirkatiga tegishli vertolyot parvozi chog‘ida sodir bo‘ldi.

Hindistonda xususiy vertolyot quladi, 7 kishi halok bo‘ldi

Times of India nashri yozishicha, halokatga ehtimolan noqulay ob-havo sabab bo‘lgan. Ayni paytda voqea joyida qutqaruv xizmatlari va politsiya harakat qilmoqda. Hodisa yuzasidan tergov ishlari olib borilmoqda. Shtat bosh vaziri Pushkar Singh Dxami halok bo‘lganlar yaqinlariga hamdardlik bildirib, mahalliy hokimiyat va qutqaruv guruhlari qidiruv va yordam ishlarida faol ishtirok etayotganini ma’lum qildi. Ushbu halokat so‘nggi haftalarda ushbu mintaqada qayd etilgan birinchi aviafojea emas. Aviatsiya xavfsizligi yuzasidan savollar yana kun tartibiga chiqdi. Mutasaddi idoralar samolyot va vertolyotlarning texnik holati hamda parvoz shartlarini yanada qat’iy nazorat qilishni rejalashtirmoqda. Ma’lumot uchun, 12 iyun kuni Hindistonning Ahmadobod shahrida Air India aviakompaniyasiga tegishli, bortida 242 kishi bo‘lgan yo‘lovchi samolyoti tibbiyot kolleji binosiga qulagan edi. Unda faqat bitta kishi tirik qolgan. Aviakompaniya qurbonlar oilasiga 10 million rupiy (taqriban 117 ming dollar) to‘lov va jarohatlanganlarga yordam va’da qilgan.

Teglar

Hindiston Air India Ahmadobod vertolyot halokati Aryan Airlines Pushkar Singh Dxami

Mavzuga oid

30.10.2025 | 16:25

Pretzker sovrini Xitoyga ketdi: Lyu Jiakun me’morchilikda «uslubsiz» uslub yaratmoqda

Arxitektura yo‘nalishida Nobel mukofotiga tenglashtirilgan Pretzker mukofoti bu gal xitoylik me’mor, yozuvchi Lyu Jiakunga nasib etdi. Uning mahalliy loyihalari xalqaro darajaga chiqqani san’at vakillari orasida ko‘plab bahslarni uyg‘otmoqda.

30.10.2025 | 21:03

Isroil Google’ni qanday o‘z izmiga soldi?

Google va Amazon sud cheklovlarini chetlab o‘tish maqsadida Isroil hukumati bilan yashirin kelishuvlar tuzgan.

28.10.2025 | 17:10

Qozog‘iston uran eksportini kengaytirmoqda

Endi Finlandiya atom elektr stansiyalarida Qozog‘iston urani ishlatiladi.

31.10.2025 | 20:12

«Maduroning vaqti tugab bormoqda»: Tramp Venesuela masalasida qaror qabul qildi

Donald Tramp ma’muriyati Venesueladagi harbiy ob’ektlarga zarba berish to‘g‘risida qaror qabul qildi. Bu hujumlar yaqin kunlarda yoki hatto bir necha soat ichida amalga oshirilishi mumkin.

Bugun 10:27

Qamchibek Tashiyev: «O‘zbekiston, Qirg‘iziston va Tojikiston sarhadlariga chegarachilar kerak bo‘lmasligi mumkin»

Qirg‘iziston Milliy xavfsizlik davlat qo‘mitasi raisi Kamchibek Tashiyevning aytishicha, Markaziy Osiyodagi davlat rahbarlari yaratgan o‘zaro ishonch muhiti tufayli yaqin kelajakda chegarachilar xizmatiga ehtiyoj qolmasligi mumkin.

27.10.2025 | 15:15

Argentinada Miley partiyasi parlament saylovlarida g‘alaba qozondi

Prezident Xavier Miley rahbarlik qilayotgan «La Libertad Avanza» partiyasi Argentinadagi oraliq parlament saylovlarida g‘alaba qozondi. U mamlakat bo‘ylab 40,8 foiz ovoz bilan raqiblaridan ustun keldi.