Имомали Раҳмон Кўксаройда тантанали кутиб олинди

Bugun 17:001 daqiqa

Кутиб олиш маросимидан сўнг Ўзбекистон ва Тожикистон президентларининг тет-а-тет форматидаги музокаралари бошланди.

Имомали Раҳмон Кўксаройда тантанали кутиб олинди

Тошкент шаҳридаги Кўксарой қароргоҳида Ўзбекистонга давлат ташрифи билан келган Тожикистон президенти Имомали Раҳмонни тантанали кутиб олиш маросими бўлиб ўтди. Бу ҳақда икки давлат раҳбарларининг матбуот хизматлари хабар берди.

Президент Шавкат Мирзиёев олий мартабали меҳмонни самимий қутлаб, шоҳсупага таклиф этди. Икки мамлакатнинг давлат байроқлари кўтарилди ва фахрий қоровул саф тортди. Ҳарбий оркестр ижросида Ўзбекистон ва Тожикистон мадҳиялари янгради.

Етакчилар фахрий қоровул сафи олдидан ўтиб, расмий делегациялар аъзоларини қутлади. Биргаликда суратга тушилгандан сўнг Ўзбекистон ва Тожикистон президентларининг музокаралари бошланди.

Тет-а-тет учрашув

Олий даражадаги музокаралар икки давлат раҳбарларининг тет-а-тет учрашуви билан бошланди.

Ўзбекистон президенти мазкур ташриф Имомали Раҳмоннинг икки қўшни давлат ўртасидаги стратегик шериклик ва иттифоқдошлик алоқаларини мустаҳкамлаш ва кенгайтиришга янги илҳом олиб келишига ишонч билдирди.

Имомали Раҳмон эса Тошкентга таклиф учун Шавкат Мирзиёевга миннатдорлик билдириб, самимий кутиб олиш ва Тожикистон ҳамда Ўзбекистон ўртасида стратегик шериклик ва иттифоқдошлик руҳида дўстона муносабатлар ҳамда кўпқиррали ҳамкорликни барқарор мустаҳкамлаш ва кенгайтириш жараёнини юқори баҳолади.

Teglar

Шавкат Мирзиёев Тожикистон Имомали Раҳмон Ўзбекистон

Mavzuga oid

Kecha 18:15

Наманганда 150 млн долларлик туристик мажмуа қурилиши бошланди

Япония компанияси томонидан амалга оширилаётган йирик туризм лойиҳаси минтақанинг иқтисодий ва сайёҳлик салоҳиятини ошириши кутилмоқда.

Kecha 21:40

Қайси давлат олийгоҳлари кўпроқ даромад қиляпти?

Ўзбекистонда давлат олийгоҳларининг молиявий кўрсаткичлари очиқланди — тизим умумий ҳисобда зарар билан ишлаётган бўлса-да, айрим университетлар юзлаб млрд сўм фойда кўришга эришди. Энг кўп даромад, фойда ва зарар кўрган олийгоҳлар рўйхати билан танишинг:

Kecha 23:05

Марказий банкдаги исломий «бурилиш», «Қўйлиқ»ни Нурафшон билан боғловчи янги йўл ва масжидлардаги янги огоҳлантириш тизими — 25-март дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Kecha 20:15

Рақамли технологиялар халқаро маркази ташкил қилинади

Марказда тартибга солиш «қумдони» доирасида янги ечимларни синовдан ўтказиш, иш ҳақини хорижий валютада тўлаш, халқаро меҳнат стандартларини жорий қилиш, шахсга доир маълумотларни халқаро стандартлар ва булутли технологиялар асосида қайта ишлаш мумкин бўлади.

Kecha 17:25

«Кредит хабарнома» хизмати ишга туширилди

Ушбу хизматни ёқиш орқали фуқаролар ўз номига очилган ҳар қандай янги кредит ҳақида дарҳол хабар олиш имконига эга бўлади.

Kecha 20:35

Марказий банк ҳузурида Исломий молия кенгаши ташкил этилади

Жорий йилда камида битта тижорат банкида исломий «дарча» фаолиятини йўлга қўйиш, 2026-2030 йилларда эса тўлиқ исломий банк фаолиятини амалга оширувчи иккита банк ташкил этиш режалаштирилган.