Муҳаммадали Ўринбоев Белгия клубига ўтди

Расмий маълумотларга кўра, ўзбекистонлик футболчи клуб билан 4 мавсумлик шартномага имзо чеккан. Унинг трансфери «Антверпен» матбуот хизмати томонидан эълон қилинди. Ўринбоев «Пахтакор» билан биргаликда уч марта мамлакат чемпионлигини қўлга киритган. Шунингдек, у Ўзбекистон ёшлар терма жамоаси аъзоси сифатида сўнгги U-20 Осиё Кубогида 4 та гол билан тўпурарлик мақомини қўлга киритган. «Ўринбоев Ўзбекистоннинг рекордчи чемпиони – “Пахтакор” Тошкент клубидан келиб қўшилди. У бу жамоа билан жами уч марта чемпионликни қўлга киритган. У, шунингдек, ёшлар терма жамоаси аъзоси бўлиб, яқинда бўлиб ўтган U-20 Осиё Кубогида 4 та гол билан тўпурар бўлган. Хуш келибсан ва омад тилаймиз, Муҳаммадали!», - дейилади клуб матбуот хизмати хабарида. 2024 йилги мавсумда «Пахтакор» сафидаги 14 ўйинда 5 та гол урган ва 3 та голли пас узатган футболчи учун бу трансфер Европа футболидаги янги синовлар бошланиши ҳисобланади. https://www.instagram.com/p/DLzvHC6oWPi/?utm_source=ig_web_copy_link&igsh=MWpvdnM5aXQ0OXhhNg%3D%3D