Najmiddin Qosimxojiyev jahon chempioni bo‘ldi
30.10.2025 | 19:297891
Final bellashuvida u braziliyalik Olimpiada va jahon chempionati sovrindori Edibal Pontesga qarshi ringga chiqdi.
Xitoyda o‘tkazilayotgan kattalar o‘rtasidagi Taekvondo WT bo‘yicha jahon chempionatida O‘zbekiston terma jamoasi a’zosi Najmiddin Qosimxojiyev (-74 kg) oltin medalni qo‘lga kiritdi. Bu haqda Milliy Olimpiya qo‘mitasi xabar berdi.
Qayd etilishicha, Najmiddin Qosimxojiyev finalda braziliyalik Olimpiada va jahon chempionati sovrindori Edibal Pontesni mag‘lub etib, erkaklar taekvondosida 10 yil kutilgan chempionlikni taqdim qildi.
O‘zbekiston terma jamoasi taekvondo WT bo‘yicha Usi-2025 Jahon chempionatini 1 ta oltin, 1 ta kumush va 1 ta bronza medali bilan nihoyasiga yetkazdi.
