Насия савдо ва кредит рекламаларида товарнинг якуний нархини кўрсатиш мажбурий бўлади

Bugun 09:001 daqiqa

Молиявий хизматлар ва насия савдо рекламаларида чалғитувчи ваъдалар бериш чекланмоқда.

Насия савдо ва кредит рекламаларида товарнинг якуний нархини кўрсатиш мажбурий бўлади

Ўзбекистонда жисмоний шахсларга мўлжалланган кредит, муддатли тўлов ёки насия савдога оид ҳар қандай рекламада товарнинг (ишнинг, хизматнинг) жорий қийматига нисбатан қанча сумма қўшиб тўланиши ва унинг якуний қиймати аниқ кўрсатилиши шарт этиб белгиланмоқда. Бу ҳақда Ўзбекистон Республикаси Президентининг 15 июлдаги ПҚ-265-сон қарорида маълум қилинди.

Ҳужжатга мувофиқ, Рақобатни ривожлантириш ва истеъмолчилар ҳуқуқларини ҳимоя қилиш қўмитаси ҳамда Марказий банк манфаатдор вазирлик ва идоралар билан биргаликда 2026 йил 1 сентябрга қадар ушбу талабларни назарда тутувчи норматив-ҳуқуқий ҳужжат лойиҳасини Вазирлар Маҳкамасига киритиши белгиланган.

Молиявий хизматлар рекламасидаги чекловлар

Шунингдек, янги тартибга кўра, молиявий хизматлар рекламаси ёки улар ҳақидаги реклама тарзидаги ахборотда келгусидаги самарадорлик кафолатларига чеклов ўрнатилади. Агар тегишли шартнома тузилаётган пайтда аниқлаш мумкин бўлмаса, реклама қилинаётган хизматларнинг келгусидаги фойдаси ёки самарадорлиги ҳақида кафолатлар ва ваъдалар беришга йўл қўйилмайди.

Аввалрок, Президент қарори билан 2026 йил 1 ноябрдан бошлаб мобил алоқа воситалари орқали SMS-хабарномалар йўли билан товар ва хизматларни реклама қилиш фақат шахснинг ёзма ёки электрон розилиги билан амалга оширилиши белгилангани ҳақида хабар берган эдик.

Teglar

Президент қарори муддатли тўлов насия савдо молиявий хизматлар Рақобат қўмитаси Марказий банк истеъмолчилар ҳуқуқи Ўзбекистон Кредит рекламаси

Mavzuga oid

Kecha 23:00

Банкни ўмармоқчи бўлган йигит, Беларусдаги маошдан норози андижонликлар ва тақиқланган тунги реклама қўнғироқлари — 15 июл дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Kecha 21:21

Тарихни янги бинога кўчириш мумкинми?

Тошкент марказидаги Алишер Навоий номидаги Давлат адабиёт музейи Янги Тошкентга кўчирилмоқда. Музей фондларидаги 60 мингдан ортиқ экспонат, жумладан, ноёб қўлёзмалар ва шахсий архивлар бошқа жойга олиб ўтилмоқда. Бу жараён ортидан тарихий бино тақдири, қўлёзмаларнинг хавфсизлиги ва икки босқичли кўчириш зарурати юзасидан жамоатчиликда қатор саволлар пайдо бўлди.

Kecha 20:20

«Қўқон патири» географик кўрсаткич сифатида давлат рўйхатидан ўтказилди

Маҳсулотнинг номи ва анъанавий тайёрлаш усули ҳуқуқий ҳимоя остига олинди.

Kecha 20:55

Ер участкаларини бозор активига айлантиришга оид қонун Сенатга юборилди

Олий Мажлис Қонунчилик палатаси ер участкаларини бозор активига айлантириш ва ижара ҳуқуқидан гаров сифатида фойдаланишга рухсат берувчи қонун лойиҳасини қабул қилди.

Kecha 20:41

Телефон рақамга СМС орқали рухсатсиз реклама юбориш тақиқланди

1 ноябрдан Ўзбекистонда рухсатсиз SMS-реклама ва тунги вақтдаги реклама қўнғироқлари тақиқланади. Шунингдек, мулкка тақиқ қўйиш, SIM-карта ва банк карталарини бошқариш бўйича янги электрон хизматлар жорий этилади.

Kecha 23:20

Тақиқдаги уйларга пропискага ўтишга рухсат берилади, лекин бир шарт билан

Ўзбекистонда 2027 йилдан кўчмас мулкни рўйхатдан ўтказмаганлик учун жарима бекор қилинади. Мерос уйларни сотишда солиқ имтиёзлари ва тақиқдаги уйларга пропискага қўйиш бўйича янги тартиблар тасдиқланди.