Oltin narxi tushdi: FZT qarori va Xitoy bilan muzokaralar kutilmoqda

7 may kuni jahon bozorlarida oltin narxi 1,42 foizga pasayib, bir troya unsiyasiga 3382,5 dollargacha tushdi. Bu tushishga AQSH va Xitoy rasmiylari o‘rtasidagi muzokaralarga bog‘liq optimizm va Federal zaxira tizimi (FZT) qarori oldidan kutilmayotgan harakatlar sabab bo‘ldi.   Ma’lumotlarga ko‘ra, shanba kuni Shveysariyada AQSH moliya vaziri Skott Bessent, savdo vakili Jeymison Grir va Xitoy bosh vaziri o‘rinbosari He Lifen uchrashadi. Bu muzokaralar jahon iqtisodiyotiga xavf solayotgan savdo ziddiyatlarini yumshatishga turtki berishi mumkin.   Bu orada, Hindiston va Pokiston o‘rtasida keskinlik ortib, Kashmir va Pokiston hududida bombardimonlar amalga oshirildi. Pokiston armiyasi vakili beshta hind qiruvchi samolyotini urib tushirganini ma’lum qildi. Agar bu ikki mamlakat o‘rtasidagi harbiy inqiroz chuqurlashsa, oltinga talab yanada ortishi mumkin.   Boshqa qimmatli metallar narxi: palladiy 975,43 dollarlik narxda hamon barqaror, kumush 1,19 foizga arzonlab 32,84 dollar, platina esa 0,24 dollarga pasayib kamayib 982,49 dollarni tashkil qilmoqda.