OneID тизимида шахсий маълумотлар хавфсизлиги бўйича янги имконият ишга тушди

Рақамли хизматлардан фойдаланишда хавфсизлик чораларини кучайтириш мақсадида OneID тизимида янги имкониятлар ишга туширилди.

​Энди OneID тизимида шахсий маълумотларни бошқа тизимларга (банк, молия, суғурта, телекоммуникация ва бошқалар) тақдим этиш ёки чеклаш имконияти мавжуд.

Бунинг учун:

• Компютер орқали id.egov.uz сайтига ўтинг;

• Тизимда рўйхатдан ўтмаган бўлсангиз, буни бажаринг;

• ЭРИ (имзо) ёки Mobile-ID ёрдамида тизимга киринг;

• «Шахсга доир маълумотларни бошқариш» бўлимида хизматни фаоллаштиринг;

• Керакли ташкилот қаршисидаги қулф белгисини очинг ёки ёпинг.

Агар OneID тизимига QR-код орқали кириш усули танласанса, «Шахсга доир маълумотларни бошқариш» бўлими автоматик фаоллашади:

• Мобил қурилмада GooglePlay ёки AppStore орқали OneID иловасини юклаб олинг;

• Mobile-ID ёки MyID орқали тезкор авторизациядан ўтинг;

• Илованинг қуйи қисмидаги сканерлаш тугмасини босинг ва компьютер экранидаги QR-кодни сканерланг.

Хабарга кўра, маълумотларга киришни чеклаш — бу кибержиноятчиликдан ҳимояланишнинг энг самарали усулидир.