Orenburg yaqinidagi yadroviy raketalar bazasida kuchli portlash yuz berdi

Rossiyaning Orenburg oblastida joylashgan «Yasniy» raketa poligonida noma’lum xususiyatga ega kuchli portlash sodir bo‘ldi. Voqeaga guvoh bo‘lgan aholi avval baland tovush eshitilgani, oradan ko‘p o‘tmay osmonda binafsha tusli tutun tarqalganini aytishmoqda. Hozircha federal darajada hech qanday rasmiy bayonot berilmagani vaziyatning yanada muammoli ekanini ko‘rsatadi.

Yasniy shahri Rossiyadagi strategik ahamiyatga ega kam sonli raketa bazalaridan biri sifatida ma’lum. U yerda uzoq masofaga uchishi mumkin bo‘lgan, zarurat bo‘lsa yadroviy kallak bilan jihozlanadigan raketalar sinovdan o‘tkaziladi. Aholi aytishicha, portlash raketa uchirilishi paytida yuz bergan avariya oqibatida kelib chiqqan. «Raketa havoda parchalanib ketdi», deya yozmoqda mahalliy manbalar.

Portlashdan so‘ng poligon yon-atrofida xavotir kuchaydi. Oblastdagi qator aholi punktlariga favqulodda hushyorlik xabarlari yuborildi. Mahalliy hokimiyat ichimlik suvini kran orqali foydalanmaslikni tavsiya qilgan, vaziyat to‘liq aniqlashtirilguncha ehtiyot choralarini kuchaytirishni so‘ragan. Bu esa portlash tabiati va tarqalgan binafsharang tutunning kimyoviy yoki zaharli xususiyatga ega bo‘lishi ehtimolini kuchaytirmoqda.

Rossiya mudofaa tizimining eng yaqin ob’ektlaridan biriga oid voqea bo‘lishiga qaramay, Moskva hanuz jim. Tahlilchilar ta’kidlashicha, bu kabi strategik bazadagi avariya xavfsizlik siyosati, yadroviy qurollarning texnik holati va Rossiyaning raketa sinovlari bo‘yicha jiddiy savollarni paydo qiladi.