Ўзбекистон аҳолиси бир йилда қарийб 700 минг кишига кўпайди

Kecha 18:251 daqiqa

2025 йил якунларига кўра, мамлакатда аҳоли сонининг ортиши табиий ўсиш, яъни туғилишлар ҳисобидан бўлгани маълум қилинди.

Ўзбекистон аҳолиси бир йилда қарийб 700 минг кишига кўпайди

2026 йил 1 январ ҳолатига кўра, Ўзбекистон Республикасининг доимий аҳолиси сони 38 млн 236,7 минг кишини ташкил этди, дея хабар берди Миллий статистика қўмитаси. Бу 2024 йилнинг мос даврига нисбатан 693,5 минг кишига ёки 1,8 фоизга кўпдир.

Аҳолининг кўпайиш кўрсаткичлари

2025 йил январ–декабр ойларида мамлакатда 879,6 минг нафар чақалоқ дунёга келган. Шу даврда 177,1 минг нафар киши вафот этган. Натижада табиий ўсиш 702,5 минг кишини ташкил этди. Бу кўрсаткич аҳоли ўсишида асосий омил сифатида баҳоланмоқда.

Миграция ва оилавий ҳолат

Ҳисобот даврида хорижий давлатлардан Ўзбекистонга 1 159 киши кўчиб келган. Шу билан бирга, мамлакатдан хорижга кўчиб кетганлар сони 10 117 нафарни ташкил этган. Шунингдек, 2025 йил давомида 267,1 мингта никоҳ қайд этилган бўлса, 46,9 мингта никоҳдан ажралиш ҳолати расман рўйхатга олинган.

Шаҳар ва қишлоқ аҳолиси

Доимий яшаш ҳудудлари кесимида қаралганда, аҳолининг 19 млн 471,7 минг нафари шаҳар жойларда истиқомат қилади. Бу умумий аҳоли сонининг 50,9 фоизини ташкил этади. Қишлоқ жойларда эса 18 млн 765,0 минг киши ёки аҳолининг 49,1 фоизи яшайди. Шу билан шаҳар ва қишлоқ аҳолиси ўртасидаги нисбат деярли тенг даражада сақланиб қолган.

Гендер таркиби ва зичлик

2026 йил 1 январь ҳолатига мамлакатда 18 млн 979,0 минг нафар аёл (49,6 фоиз) ва 19 млн 257,7 минг нафар эркак (50,4 фоиз) истиқомат қилмоқда. Шунингдек, аҳоли зичлиги ҳар бир квадрат километрга ўртача 85,2 кишини ташкил этди. Бу кўрсаткич ўтган йилга нисбатан 1,6 кишига ошган.

Teglar

демография аҳоли сони Ўзбекистон Migratsiya табиий ўсиш аҳоли зичлиги

Mavzuga oid

Kecha 22:01

Энди мобил рақамлар ҳисобда пул йўқлиги учун икки ойда «куйиб кетмайди»

Қолаверса, абонентлар амалдаги тариф режасини исталган бошқа тариф режаси билан бепул алмаштириши мумкин бўлади.

Kecha 18:52

Мирзиёев: «Терговда сон эмас, сифат бўлиши керак»

Президент Ҳуқуқни муҳофаза қилиш академияси йилига 200 дан ортиқ терговчи тайёрлаётганлигига қарамай, пойтахтда ички ишларда 100 та терговчи лавозими уч ойдан буён вакант эканлиги, бу юклама ҳам бошқа ходимларга тушгани учун сифат йўқолиб бораётганини танқид қилди.

Kecha 22:42

Президент селекторида катта тозалаш

Ўзбекистон Президенти бугун, 27 январ куни бўлиб ўтган йиғилишда бир қатор амалдорларни ишдан олди. Бекмурод Абдуллаев ва Рустам Турсуновнинг қамоққа олиниши, Акмалхон Ортиқов ва Мубин Мирзаевнинг ишдан кетиши — бу ҳали бошланиши экани айтилмоқда. «Ўзбекнефтегаз» АЖ ва Давлат активларини бошқариш агентлигида катта тафтиш кетяпти.

Kecha 22:25

91 ёшли куёв, ёдга тушган Ўш воқеалари ва 700 минг кишига кўпайган аҳоли — 27 январ дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Kecha 17:45

ИИВда вазирнинг ўзи масъул бўлган кибержиноятчилик бўйича алоҳида департамент ташкил қилинади

Маълумотларга кўра, айни пайтда кибержиноятлар кундан-кунга кўпайиб, унинг турлари 18 тадан 62 тага етган.

Kecha 20:20

Ўш фожиалари: Ислом Каримов ва Чингиз Айтматовнинг урушни олдини олган мулоқоти тафсилотлари айтилди

1990 йил: Марказий Осиё «иккинчи Қорабоғ» бўлиш остонасида турган, қирғиз-ўзбек чегарасида ўн минглаб қуролли одамлар тўпланган ўта қалтис палла. Роза Айтматова ўшанда акаси Чингиз Айтматовнинг нега Тошкентга — Ислом Каримов ҳузурига шошилгани ва Каримовдан олган ваъдаси ҳақида гаприб берди.