O‘zbekiston simli internet tezligi bo‘yicha pastladi
17.07.2025 | 21:0037892
2025 yil iyun oyi uchun Speedtest Global Index reyting natijalariga ko‘ra, O‘zbekistonda simli internet tezligi pasaydi va mamlakat 76-o‘rinni egalladi. Mobil internetda esa o‘zgarish kuzatilmadi.
Speedtest Global Index tomonidan e’lon qilingan 2025 yil iyun oyi uchun yangilangan reytingda O‘zbekiston simli internet bo‘yicha 76-o‘rinni egalladi. Bu may oyiga nisbatan to‘rt pog‘ona pastlashni anglatadi. Hozirgi kunda mamlakatda simli internetning o‘rtacha tezligi 86,75 Mbit/s.
Mobil internet bo‘yicha esa O‘zbekiston 71-o‘rinda qoldi. Bu ko‘rsatkich o‘tgan oyga nisbatan o‘zgarmagan va o‘rtacha tezlik 55,78 Mbit/s ni tashkil etmoqda.
Jahon bo‘yicha eng tez mobil internet Birlashgan Arab Amirliklarida qayd etilgan — 546,14 Mbit/s. Simli internetda esa yetakchilik Singapurga tegishli — 393,15 Mbit/s.
