Ўзбекистонда 9 ойда олийгоҳларда 5,1 мингта янги талаба ўрни яратилди

Миллий статистика қўмитасига кўра, 2025 йилнинг январ—сентябр ойларида Ўзбекистондаги олий таълим муассасаларида 5 100 та янги талаба ўринлари фойдаланишга топширилди.

Қайд этилишича, ҳудудлар кесимида энг катта улуш Наманган вилоятида қайд этилиб, бу ерда 2 000 та янги талаба ўрни яратилди.

Шунингдек, Андижон вилоятида 1 800 та, Самарқанд вилоятида эса 1 000 та ўрин фойдаланишга топширилди. Қорақалпоғистон Республикасида ҳам 300 та қўшимча ўрин ташкил этилгани маълум қилинди.

Маълумот ўрнида, Ўзбекистонда 2024/2025 ўқув йилида мамлакат бўйлаб олий таълим муассасаларига 381,7 минг талаба қабул қилинган. Бу кўрсаткич 2020/2021 ўқув йилидагидан 2,2 баробарга ортган.