O‘zbekistonda mashina ishlab chiqarish 9,2 foizga oshdi

Bugun 13:471 daqiqa

Tracker avtomobillari Onix’ga qaraganda 25,1 foiz ko‘proq ishlab chiqarilgan. BYD Kia’dan 7,7 foizga ko‘proq chiqarildi. Cobalt 4 foizga ko‘paydi.

O‘zbekistonda mashina ishlab chiqarish 9,2 foizga oshdi

O‘zbekistonda 2026-yilning yanvar–sentabr oylarida 356 ming 318 dona yengil avtomobil ishlab chiqarildi. Bu 2025-yilning mos davriga nisbatan qariyb 30 ming donaga yoki 9,2 foizga ko‘p. Bu haqda Milliy statistika qo‘mitasi ma’lumot berdi.

To‘qqiz oy davomida Cobalt eng ko‘p ishlab chiqarilgan avtomobil bo‘ldi va uning soni 120 ming 672 donaga yetib, umumiy ishlab chiqarishning 33,9 foizini tashkil etgan. Bu o‘tgan yilning mos davriga nisbatan 4 foizga ko‘p.

Ikkinchi o‘rinni 63 ming 401 dona bilan Damas egallagan. Bu jami ishlab chiqarilgan avtomobillarning 17,8 foiziga teng. Biroq uni ishlab chiqarish o‘tgan yilning mos davriga nisbatan 6,6 foizga kamaygan.

Keyingi o‘rinlarda Tracker (34 ming 80 dona) va Onix (27 ming 247 dona) joylashgan. Ularning umumiy ishlab chiqarishdagi ulushi mos ravishda 9,6 va 7,6 foiz bo‘lgan. Tracker avtomobillari Onix’ga qaraganda 25,1 foiz ko‘proq ishlab chiqarilgan.

Shuningdek, to‘qqiz oyda 26 ming 706 dona BYD va 24 ming 801 dona Kia avtomobillari ham ishlab chiqarilgan. BYD ishlab chiqarish hajmi Kia’dan 7,7 foizga yuqori bo‘ldi.

Chery avtomobillari soni 7 ming 221 donani, Haval esa 6 ming 953 donani tashkil etgan. Ularning har biri jami ishlab chiqarishning qariyb 2 foiziga to‘g‘ri kelgan.

Bundan tashqari, 2 ming 137 dona Damas Move, 2 dona TANK 500 hamda 43 ming 98 dona maxsus yengil avtomobil ishlab chiqarilgan. Maxsus yengil avtomobillar umumiy ishlab chiqarishning 12,1 foizini tashkil etgan.

Eslatib o‘tamiz, avvalroq Cobalt ishlab chiqarish hajmi oshayotganiga qaramay, ichki bozorda sotuvlar kamaygandi.

Teglar

Damas UzAuto Motors avtomobil Cobalt

Mavzuga oid

10.11.2026 | 10:33

O‘zbekiston Qozog‘iston va Xitoy bilan aviaqatnovlar sonini oshirmoqda

Qozog‘iston bilan Toshkent — Olmaota va Toshkent — Ostona yo‘nalishlarida haftalik reyslar 42 tadan 60 taga, Xitoy bilan aviaqatnovlar esa 100 tadan 114 taga oshiriladi.

10.11.2026 | 12:15

«Talimarjon» IES'ning 1,2 mlrd so‘mlik tanlov savdosi bekor qilindi

Raqobat qo‘mitasi «Talimarjon issiqlik elektr stansiyasi» buyurtmachiligida o‘tkazilgan yirik tanlov savdosida qonunbuzilishlarni aniqladi.

Kecha 19:29

1 dollarlik kompaniya va arazlagan yo‘lovchi

Qirg‘iziston Jahon savdo tashkilotiga a’zo bo‘lish masalasini sobiq SSSR davlatlari orasida birinchi bo‘lib 1998-yildayoq hal qilgan. O‘zbekiston esa hali ham qo‘shilish bo‘yicha muzokaralar olib bormoqda. Elchi nega buni esladi? Bank prezidentni «ishdan oldi», sobiq bosh vazirning tadbirkor ukasi ushlandi. Sobiq prezident maqomini yo‘qotadimi? Shu va boshqa voqealar haqida batafsil to‘xtalamiz.

Bugun 11:30

2026-yilda davlat qarzi ko‘p mamlakatlar qaysi?

Dunyo mamlakatlarining davlat qarzi tarixiy jihatdan eng yuqori darajaga yetdi. Qarzni to‘lash uchun ketayotgan xarajatlar va budjetga bo‘lgan ehtiyojning ortishi davlat moliyasiga tobora katta bosim o‘tkazmoqda. Dunyo bo‘yicha jami davlat qarzining katta qismi eng yirik iqtisodiyotlar hissasiga to‘g‘ri keladi. Biroq qarz mamlakat iqtisodiyoti hajmiga nisbatan hisoblansa, manzara butunlay boshqacha ko‘rinadi.

Kecha 15:46

O‘zbekiston va Tojikiston yuk tashish jarayonlarini soddalashtirmoqchi

Tomonlar qurilish materiallarini tashish xarajatlarini kamaytirish, vagonlardan yuk tushirishni tezlashtirish va chegara punktlaridan yuklarni o‘tkazishni yengillashtirish masalalarini muhokama qildi.

Bugun 10:55

Qirg‘iziston — 2, O‘zbekiston — 4-o‘rinda: Osiyoda iqtisodiy o‘sish bo‘yicha qaysi davlatlar yetakchi?

Osiyo taraqqiyot banki 2026 yilda rivojlanayotgan Osiyo va Tinch okeani mintaqasi iqtisodiyoti 5 foizga o‘sishini prognoz qilmoqda. Sun’iy intellekt bumi ortidan Tayvan 11 foizlik ko‘rsatkich bilan mutlaq yetakchiga aylangan bo‘lsa, O‘zbekiston 7 foizlik o‘sish bilan mintaqada yuqori o‘rinlardan birini band etdi.