Президент йил якунигача 230 минг оилани камбағалликдан чиқаришни топширди

Bugun 15:401 daqiqa

Ҳокимларга сентабр-декабр ойларида 350 минг одамни доимий ишга жойлаштириш ва яна 1 миллион аҳолининг даромадини кўпайтириш мажбурияти юкланди.

Президент йил якунигача 230 минг оилани камбағалликдан чиқаришни топширди

Президент Шавкат Мирзиёев 3-сентябр куни камбағалликни қисқартириш ва аҳоли даромадларини ошириш масалалари муҳокамасига бағишланган йиғилиш ўтказди. Унда ҳудудлардаги ишларни янги босқичга олиб чиқиш вазифалари белгилаб берилди.

Давлат раҳбари вилоят ва туман ҳокимлари штаблар фаолиятини самарали ташкил этиб, мавжуд янги имкониятлардан тўлиқ фойдаланиши шартлигини таъкидлади.

Ҳокимлар сентябр-декабр ойларида 350 минг одамни доимий ишга жойлаштириш ва яна 1 миллион аҳолининг даромадини кўпайтириш мажбуриятини олади.

Йиғилишда йил якунига қадар 230 минг оилани камбағалликдан чиқариш вазифаси ҳам белгиланди. Ҳар бир йўналиш бўйича аниқ механизм ва ҳаракатлар алгоритмини ишлаб чиқиш, маҳалла даражасида масъулларни белгилаш зарурлиги қайд этилди.

Давлат раҳбари Хитой тажрибаси асосида туман ва маҳаллада аҳоли билан бевосита ишлайдиган ходимлар учун аниқ кўрсатмалар ишлаб чиқишни ҳам топширди.

Эслатиб ўтамиз, аввалроқ оилавий ва ёшлар тадбиркорлиги бўйича имтиёзли кредит ресурсларини бошқариш ваколати туман штабларига ўтказилиши ҳақида хабар берилганди.

Teglar

даромад камбағаллик ишсизлик маҳалла Шавкат Мирзиёев ҳокимлар

Mavzuga oid

Kecha 23:10

Арзонлашадиган божхона тўловлари, ТОП-5 банкка харидор бўлаётган грузинлар ва бизнесни кутаётган хатлов — 2 сентябр дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Bugun 11:15

Қозоғистонга киришнинг янги қоидалари: ўзбекистонликлар нимани билиши керак?

1 ноябрдан бошлаб Қозоғистонга борувчи чет эл фуқаролари, жумладан ўзбекистонликлар учун мажбурий электрон рухсатнома олиш тартиби босқичма-босқич жорий этилади. Сафардан камида 72 соат олдин «QazETA» платформаси орқали расмийлаштирилиши лозим бўлган бу ҳужжатсиз чегарадан ўтиб бўлмайди.

Bugun 12:53

Президент банкирлар ва ҳоким ёрдамчиларини танқид қилди

Уларнинг аксарияти кимга кредит кераклиги, қайси лойиҳани лизинг, факторинг, кафолат, суғурта, айланма маблағ ёки шартнома асосида молиялаштириш мумкинлигини тушунмаслиги айтилди.

Bugun 13:10

Туманларда бир кишини камбағалликдан чиқаришга қанча пул сарфлангани айтилди

Банкдан кредит олиб, бизнесини юргиза олмаган 62 киши кредитни қайтаришга қийналяпти. Давлат раҳбарининг айтишича, бунинг сабаби атиги мингта маҳалладаги ҳоким ёрдамчиси ва маҳалла банкири «лойиҳавий ёндашув» асосида ишлашни билади.

Kecha 21:35

«Ўзбекфилм»нинг 1 млрд сўмлик солиқ қарзи тўланди

Кинематография агентлиги директори Жаҳонгир Аҳмедовнинг маълум қилишича, энди асосий эътибор ходимларнинг 3 миллиард сўмдан зиёд ойлик маош қарзини тўлашга қаратилади.

Bugun 12:15

Ўтган уч йилда маҳаллалардаги тадбиркорлик лойиҳаларига 314 трлн сўм ажратилди

Президент Шавкат Мирзиёев кредитларнинг камбағалликни қисқартиришга таъсири барча туманда бирдек сезилмаётгани, туман ва маҳаллада камбағаллик ҳамда ишсизликка масъул ходимларда ҳадик борлиги, ҳеч ким масъулиятни ўз зиммасига олишни истамаётганини танқид қилди.