Putin va To‘qayev Strategik sheriklik to‘g‘risidagi deklaratsiyani qabul qildi
Imzolash marosimi Kremldagi muzokaralar yakunlangach bo‘lib o‘tdi. To‘qayev bu hujjatni o‘z tashrifining asosiy maqsadlaridan biri deb atadi.
Rossiya prezidenti Vladimir Putin va Qozog‘iston prezidenti Qosim-Jomart To‘qayev mamlakatlar o‘rtasidagi munosabatlarni har tomonlama strategik sheriklik va ittifoqchilik darajasiga ko‘tarish haqidagi deklaratsiyani imzoladi. Imzolash marosimi rahbarlar muzokaralaridan so‘ng Kremlda darhol o‘tkazildi.
Qosim-Jomart To‘qayev Deklaratsiyani imzolashni Moskvaga tashrifi asosiy maqsadlaridan biri deb aytdi. Uning so‘zlariga ko‘ra, ushbu hujjat «ikki tomonlama aloqalarda yangi davrni boshlab, o‘zaro ishonchning misli ko‘rilmagan darajasini va barcha yo‘nalishlarda yanada yaqinroq hamkorlik qilishga bo‘lgan birgalikdagi tayyorgarlikni tasdiqlaydigan» bo‘ladi. Rossiya prezidentining matbuot kotibi Dmitriy Peskov Qozog‘istonni Rossiyaning strategik va «alohida sherigi» ekanini ta’kidladi.
Qosim-Jomart To‘qayev 11-noyabr kuni Moskvaga yetib keldi. Tashrifning birinchi kunida u Vladimir Putin bilan norasmiy uchrashuvda ikki soatcha suhbatlashdi.
Bugun rahbarlarning rasmiy muzokaralari bo‘lib o‘tdi, unda siyosiy, savdo-iqtisodiy, investitsiyaviy va gumanitar hamkorlikning keng qamrovli masalalari muhokama qilindi. Vladimir Putin Qozog‘iston prezidenti bilan bo‘lgan muloqotni mazmunli va samarali deb baholadi.
