Қозоғистон 2027-йилдан ўзини электр энергияси билан тўлиқ таъминлайди

Bugun 18:202 daqiqa

2029-йилга бориб Қозоғистон энергетика тизимида 20 фоизлик захира билан барқарор электр ортиқчалиги шаклланади. Бу эса мамлакатнинг электр энергияси экспорт қилиш имкониятини ҳам оширади.

Қозоғистон 2027-йилдан ўзини электр энергияси билан тўлиқ таъминлайди

2027-йил охирига бориб Қозоғистон мамлакатнинг электр энергиясига бўлган ички эҳтиёжини тўлиқ қоплашни ва ҳатто ортиқча электр ишлаб чиқаришни режалаштирмоқда. Бу ҳақда Қозоғистон энергетика вазири Ерлан Аккенженов ҳукумат йиғилишида маълум қилди.

Унинг сўзларига кўра, мамлакатда энергетика ва коммунал соҳани модернизация қилиш бўйича миллий лойиҳа амалга оширилмоқда. 2026-йилда ушбу лойиҳа доирасида 2418 МВт қувватга эга янги энергия объектлари ишга туширилади.

2027-йилда эса яна 825 МВт қувват ишга тушиши режалаштирилган. Жумладан, «Жамбил» ГРЭСда қуввати 210 МВт бўлган 5 та газ турбинаси ишга туширилади, МАЭК корхонасида эса 160 МВт қувватли буғ-газ электр қурилмаси фойдаланишга топширилади.

Вазирнинг таъкидлашича, ушбу объектлар ишга туширилиши натижасида 2027-йил бошиданоқ мамлакат иқтисодиётининг электр энергиясига бўлган эҳтиёжи тўлиқ таъминланади. Йил охирига бориб эса Қозоғистонда 1,3 миллиард kWh ортиқча электр энергияси пайдо бўлади.

Ерлан Аккенженовнинг айтишича, ушбу ишлар натижасида 2029-йилга бориб мамлакатдаги иссиқлик тармоқларининг эскириш даражаси ўртача 52 фоиздан 42 фоизга, электр тармоқлариники эса 74 фоиздан 45 фоизгача камаяди.

Шунингдек, миллий лойиҳа доирасида 2028–2029-йилларда яна 4 минг МВтдан ортиқ янги қувватлар ишга туширилиши режалаштирилган. Бунинг натижасида 2029-йилга бориб Қозоғистон энергетика тизимида 20 фоизлик захира билан барқарор электр ортиқчалиги шаклланади. Бу эса мамлакатнинг электр энергияси экспорт қилиш имкониятини ҳам оширади.

Умуман олганда, миллий лойиҳа доирасида 2029-йилгача 7,3 ГВт қувватга эга янги электр ишлаб чиқариш манбалари барпо этилади. Лойиҳанинг умумий қиймати 6,2 триллион тенгени (13,1 миллиард доллар) ташкил этади.

Эслатиб ўтамиз, аввалроқ Қозоғистон инсон тараққиёти бўйича МДҲ ва Марказий Осиёда етакчига айлангани ҳақида ёзган эдик.

Teglar

энергетика Қозоғистон экспорт электр энергияси Ерлан Аккенженов Марказий Осиё иқтисодиёт миллий лойиҳа

Mavzuga oid

26.07.2026 | 11:06

Қозоғистон янги алоқа сунъий йўлдоши учун 22 миллион доллардан ортиқ маблағ ажратди

Ҳозирда Қозоғистоннинг миллий сунъий йўлдош алоқа тизими Марказий Осиё ва Россиянинг айрим ҳудудларида телевидение ва радиоэшиттириш, маълумот узатиш, телефон алоқаси ҳамда интернет хизматларини таъминлайди.

Kecha 20:10

Энергетика соҳасида ўқийдиган юқори курс талабалари дуал таълимга ўтказилади

Таъкидланишича, келгуси 2-3 йилда қуёш ва шамол генераторлари, электр зарядлаш ускуналари каби йўналишларда минглаб мутахассисларга эҳтиёж пайдо бўлади.

Bugun 16:01

Ўзбекистон энергетика тизимини «нолдан қуриш» режалаштирилмоқда

Президент йиғилишида энергетика соҳасини тубдан ўзгартириш бўйича янги вазифалар белгиланди. Янги раҳбарият инфратузилмани «нолдан» қайта қуриш, бошқарувни рақамлаштириш ва бозор механизмларини жадал жорий этишни режалаштирмоқда.

25.07.2026 | 18:30

ЙИ Қирғизистон ва Қозоғистон компанияларини «қора рўйхат»га киритди

Россияга қарши янги санкциялар пакетига жами 170 та ташкилот ва 48 киши киритилди. Шунингдек, 94 та банк ва молиявий ташкилот активлари музлатилди, айрим банклар ҳамда криптовалюта платформалари билан операциялар чеклаб қўйилди.

Kecha 16:35

1-октабргача Янгийўл электр ва газ таъминоти бўйича намунавий туманга айлантирилади

Тошкент вилояти Янгийўл тумани аҳолиси ва тадбиркорларини электр ҳамда газ билан барқарор таъминлаш бўйича махсус штаб ташкил этилади. Унга энергетика вазири Шерзод Ходжаев бошчилик қилади, туман ҳокими Санъат Жуманиёзов эса унинг ўринбосари бўлади.

Kecha 21:55

Вазир ўзгарди. Энди чироқ ёнадими?

Бир пайтлар энергетика тизимидаги муаммолар сабаб вазир ўринбосари лавозимидан танқидлар билан ишдан олинган Шерзод Хўжаев энди Энергетика вазири бўлди. 2022 йилдан ҳозиргача Энергетика вазири сифатида ишлаб келган Жўрабек Мирзамаҳмудов эса бу лавозимдан олинди.