Қозоғистонда собиқ депутат 2,6 миллиард тенге субсидияни ўзлаштирди

Олмаотада агросаноат мажмуасини қўллаб-қувватлаш учун ажратилган бюджет маблағларининг йирик миқдорда ўзлаштирилиши бўйича жиноий тергов якунланди. Маълумотларига кўра, иш бўйича асосий судланувчи бўлган Қорасой туманининг собиқ депутати қишлоқ хўжалигидаги тажрибасидан фойдаланиб, давлат субсидиялари механизмларини билган ҳолда бюджет тўловларини ноқонуний равишда ўзлаштирган.

Тергов маълумотларига кўра, у ўз назорати остидаги компаниялар ва 29 та деҳқон хўжалиги орқали элита малина кўчатларини сотиб олиш бўйича сохта ҳужжатларни тақдим этиб, ноқонуний равишда давлат субсидияларини олган.

 491 миллион тенге миқдоридаги маблағ гумонланувчининг рафиқаси номига расмийлаштирилган брокерлик ҳисоби орқали қимматли қоғозларни сотиб олишга йўналтирилган. Яна 400 миллион тенге аффилланган микромолия ташкилотига ўтказилган. Шунингдек, 170 миллион тенге қимор ўйинларига сарфланган. Суд гумонланувчиларнинг мол-мулкини, жумладан, квартиралар, автомобиллар, хусусий уй ва қимматли қоғозларни мусодара қилди. Уч нафар гумонланувчи ҳибсда сақланмоқда.