Sakkiz oyda 9 trln so‘m ipoteκa krediti berildi

Vazirlik ma’lumotlariga ko‘ra, jami 30 ming 654 ta bitim tuzilgan bo‘lib, har bir kreditning o‘rtacha miqdori 291,7 mln so‘mni tashkil etgan. Bu ko‘rsatkich mamlakatda uy-joy bozoriga bo‘lgan talab yuqoriligini namoyon etmoqda. Hududlar kesimida eng katta ulush Toshkent shahriga to‘g‘ri kelmoqda. Poytaxtda 2,1 trln so‘m ipoteκa kreditlari berilib, umumiy mablag‘ning 23,5 foizini tashkil etgan. Keyingi o‘rinlarda Andijon, Farg‘ona va Samarqand viloyatlari joylashgan bo‘lib, ularning umumiy ulushi 29 foizni tashkil etgan. Shuningdek, Surxondaryo va Qashqadaryo viloyatlari ham yirik qarz oluvchilar qatoriga kirgan. Eng past ko‘rsatkich Sirdaryo viloyati va Qoraqalpog‘iston Respublikasiga to‘g‘ri keldi. Banklar kesimida Ipoteκa bank yetakchilik qilmoqda — 5 966 ta bitim orqali 1,73 trln so‘m kredit ajratilgan. Undan keyingi o‘rinlarda «O‘zmilliybank» — 1,36 trln so‘m va «Agrobank» — 1,26 trln so‘m kredit ajratgan. Shu bilan birga, Biznesni rivojlantirish banki 1,17 trln so‘m, Xalq banki esa 942,9 mlrd so‘m ipoteκa kredit bergan. 12 043 nafar ayolga 3,47 trln so‘m kredit berilgan. Bu umumiy portfelning 39 foizini tashkil etmoqda. Ayniqsa, Biznesni rivojlantirish banki (51 foiz), Xalq banki (46 foiz) va «Aloqabank» (48 foiz) orqali ayollar faol ravishda kredit olgani qayd etilgan.