«Samarkand-2028» сунъий йўлдоши эртага фазога учирилади

Bugun 08:301 daqiqa

Ўзбекистон номи берилган гиперспектрал сунъий йўлдоши 5 август куни Хитойдан орбитага учирилади.

«Samarkand-2028» сунъий йўлдоши эртага фазога учирилади

Эртага, 5 август куни Хитойнинг Шаньдун вилояти соҳиллари яқинидаги денгиз старт платформасидан «STAR.VISION» компанияси томонидан «Samarkand-2028» ва «Lampung-1» гиперспектрал сунъий йўлдошлари орбитага учирилади.

«Samarkand-2028» миссияси «Ўзбеккосмос» агентлиги ва «STAR.VISION» компанияси ўртасида имзоланган стратегик меморандум доирасида амалга оширилмоқда. Лойиҳа Ўзбекистоннинг космик технологиялар ва сунъий интеллект соҳасидаги халқаро ҳамкорлигининг амалий натижаси сифатида баҳоланмоқда.

Сунъий йўлдошга «Samarkand-2028» номи 2028 йилги Халқаро астронавтика конгрессини Самарқанд шаҳрида ўтказиш ҳақида қабул қилинган қарор шарафига берилган.

Сунъий интеллект билан ишлайди

Лойиҳа доирасида «Ўзбеккосмос» агентлиги мутахассислари сунъий йўлдош борти учун махсус сунъий интеллект модулини ишлаб чиққан.

Мазкур модул гиперспектрал маълумотларни бевосита орбитанинг ўзида қайта ишлаш имконини беради. Бу эса Ер юзасини масофадан зондлаш самарадорлигини сезиларли даражада ошириши кутилмоқда.

Олинадиган маълумотлардан қишлоқ хўжалиги, экология, табиий ресурсларни мониторинг қилиш ва бошқа соҳаларда фойдаланиш режалаштирилган.

Стартга тайёргарлик якунланмоқда

Маълум қилинишича, ракета аллақачон старт кемаси бортига жойлаштирилган ва учириш ҳудуди томон йўл олган.
Ҳозирда барча тайёргарлик ишлари белгиланган режа асосида давом этмоқда. Учириш 5 август куни амалга оширилиши режалаштирилган.

Teglar

космос Ўзбеккосмос STARVISION сунъиййўлдош технология Самарқанд2028

Mavzuga oid

Kecha 20:00

«Newport» қурилиши доирасида уйидан мажбуран кўчирилган фуқаролар иши бўйича расмий изоҳ берилди

Тошкент шаҳрининг Яккасарой туманида яшовчи фуқаролар «Newport» қурилиши доирасида ўз уйларидан мажбуран чиқариб юборилгани ва бу бўйича Президент Администрацияси раҳбарига видеомурожаат йўллагани ортидан шаҳар прокуратураси текширув бошлади.

Kecha 22:15

2026-йилда субсидия ва трансфертларга қарийб 52 триллион сўм йўналтирилади

Маблағнинг 28,6 триллион сўми турли соҳалардаги субсидияларга, 23 триллион сўми эса Пенсия жамғармасига давлат бюджети трансферти сифатида ажратилиши режалаштирилган.

Kecha 22:17

Транспорт имтиёзини олиш тартиби ўзгаради

Қоғоз талонлар бекор қилиниб, имтиёзлардан фойдаланиш ID-карта ва «Барака» иловасига ўтказилади.

Kecha 21:05

Омонатларга солиқдан кешбекни бекор қилишгача: Фискал мулоқотда нималар таклиф қилинди?

Банк омонатларига 5 фоизлик солиқ жорий этиш, 1 фоизлик кешбекни бекор қилиш, углерод солиғи, палма ёғига акциз ва минимал иш ҳақини ошириш: Фискал таҳлиллар институти 2027 йил учун илгари сурган энг муҳим таклифларни Vaqt.uz бир мақолага жамлади.

Kecha 19:10

Олмазордаги «котлован» ўпирилиши. Воқеа жойидан репортаж

Куни кеча, 2 август куни пойтахтнинг Олмазор тумани Беруний кўчасида 9 қаватли уй ёнида меҳмонхона қуриш учун қазилган «котлован» чети ўпирилди. Буни акс эттирувчи видеолар ижтимоий тармоқларда ҳам тарқалди. Ҳодиса Орзу массиви, учинчи уй манзилида жойлашган қурилиш объектида юз берган. Vaqt.uz мухбири мазкур ҳодиса тафсилотларини ўрганиш учун воқеа жойига етиб борди ва у ердаги аҳолига микрофон билан юзланди.

Kecha 17:55

Ўзбекистон фаровонлик бўйича жаҳон рейтингида 94-ўринни эгаллади

Мамлакатнинг энг паст кўрсаткичи иқтисодий эркинлик бўйича қайд этилди. Фикрни эркин билдириш имконияти бўйича ҳам паст натижани олди. Энг яхшиси эса маҳаллий жамоалардаги ижтимоий алоқалар мустаҳкамлиги бўлди.