Shahrisabz ko‘chasidagi BRT yo‘lagining birinchi bosqichi foydalanishga topshirildi

Bugun 08:402 daqiqa

U Shahrisabz, Mirobod va Shota Rustaveli ko‘chalari tutashgan aylanma chorrahadan Amir Temur shoh ko‘chasi bilan kesishmagacha bo‘lgan 1,2 kilometrlik uchastkani qamrab oladi.

Toshkent shahrida Shahrisabz ko‘chasidagi BRT yo‘lagining birinchi bosqichi foydalanishga topshirildi. Loyiha 1,2 kilometrlik uchastkani qamrab olgan. Bu haqda Yo‘l harakatini tashkil etish markazi xabar bermoqda.

Loyihaning birinchi bosqichi Shahrisabz, Mirobod va Shota Rustaveli ko‘chalari tutashgan aylanma chorrahadan Amir Temur shoh ko‘chasi bilan kesishmagacha bo‘lgan 1,2 kilometrlik yo‘l qismini o‘z ichiga olgan.

Yo‘l konstruksiyasi to‘liq qayta qurildi

Qurilish ishlari davomida mavjud asfalt qoplamasini yangilash bilan cheklanilmagan. Katta sig‘imli avtobuslarning muntazam harakati va doimiy yuklamasi hisobga olinib, BRT yo‘lagining yo‘l osti konstruksiyasi to‘liq qayta qurilgan.

Ayrim qismlarda 2 metrdan ortiq chuqurlikkacha qazish ishlari amalga oshirilib, mavjud asos olib tashlangan va yo‘l poydevori qayta shakllantirilgan. Grunt namligi, tuproqning siljishi hamda keyinchalik cho‘kish xavfini kamaytirish maqsadida geotekstil qoplamasi yotqizilgan.

Shundan so‘ng yo‘l asosi bosqichma-bosqich mustahkamlangan. Xususan, 35 santimetr qalinlikdagi qum-shag‘al aralashmasi yotqizilgan, M-75 markali mustahkamlovchi qatlam tashkil etilgan.

Shuningdek, 9 santimetr qalinlikdagi yirik donali asfalt-beton qatlami yotqizilib, yakuniy qoplama sifatida 5 santimetr qalinlikdagi PSHMA-20 qo‘llanilgan.
BRT infratuzilmasi doirasida 5 ta yangi avtobus bekati tashkil etilgan. Jamoat transporti uchun alohida harakat yo‘lagi shakllantirilib, u umumiy transport oqimidan bordyurlar orqali jismonan ajratilgan.

Qurilish ishlari davomida yo‘l harakati to‘liq to‘xtatilmagan. Ishlar markaziy qismdagi tasmalarda bosqichma-bosqich olib borilgan va transport vositalari harakati ko‘chaning ikki yo‘nalishidagi chekka o‘ng tasmalarda saqlab qolingan.

1,2 kilometrlik ushbu uchastka Shahrisabz ko‘chasida BRT infratuzilmasini shakllantirishning birinchi bosqichi hisoblanadi. Umumiy loyiha doirasida Shahrisabz ko‘chasining qariyb 3 kilometrlik qismida BRT yo‘lagini tashkil etish ko‘zda tutilgan.

Teglar

jamoat transporti avtobus transport infratuzilmasi yo‘l qurilishi BRT Toshkent Shahrisabz ko‘chasi

Mavzuga oid

Kecha 17:44

Mikromoliya tashkilotlarda muammoli kreditlar qiymati 500 mlrd so‘mga yaqinlashdi

O‘zbekistondagi 138 ta mikromoliya tashkilotining jami aktivlari bir yil ichida 18,9 trln so‘mgacha oshdi. 17,4 trln so‘mlik kredit qoldig‘ida NPL ulushi 2,6 foizni tashkil qilmoqda.

Kecha 13:10

Tumanlarda bir kishini kambag‘allikdan chiqarishga qancha pul sarflangani aytildi

Bankdan kredit olib, biznesini yurgiza olmagan 62 kishi kreditni qaytarishga qiynalyapti. Davlat rahbarining aytishicha, buning sababi atigi mingta mahalladagi hokim yordamchisi va mahalla bankiri «loyihaviy yondashuv» asosida ishlashni biladi.

Kecha 19:40

Rossiyaliklar O‘zbekistonga ommaviy ravishda chipta sotib olmoqda

Rossiyada kuzgi mavsumda chipta xaridlari o‘sishi bo‘yicha O‘zbekiston birinchi o‘ringa chiqdi. Undan keyin o‘rinlarda Turkiya, Ozarbayjon, Armaniston va Gruziya qayd etildi.

Bugun 08:20

Yashirin reklama tarqatgan blogerlar va OAV vakillariga chora ko‘rildi

Raqobat qo‘mitasi ijtimoiy tarmoqlarda reklamani axborotdan ajratish talablari buzilayotganini aytdi va tarmoq faollarini ogohlantirdi.

Kecha 15:40

Prezident yil yakunigacha 230 ming oilani kambag‘allikdan chiqarishni topshirdi

Hokimlarga sentabr-dekabr oylarida 350 ming odamni doimiy ishga joylashtirish va yana 1 million aholining daromadini ko‘paytirish majburiyati yuklandi.

Kecha 19:20

Hindiston fuqarolari 8 davlat vizasi bilan O‘zbekistonga vizasiz kira oladi

1-sentabrdan Hindiston fuqarolari Avstraliya, AQSH, Buyuk Britaniya, Kanada, Janubiy Koreya, Shengen davlatlari, Yangi Zelandiya yoki Yaponiyaning ko‘p martalik biznes yoki turizm vizasiga ega bo‘lsa, O‘zbekistonga 30 kungacha vizasiz kirishi mumkin.