Tadbirkorlarga markirovka xarajatlari uchun soliq imtiyozlari berildi

Qonunga muvofiq, 2027 yilgacha markirovkani o‘qish qurilmalari uchun qilingan xarajatlar bo‘yicha foyda solig‘i, aylanmadan soliq va yakka tartibdagi tadbirkorlar uchun jami daromad solig‘i (JSHODS) summasi kamaytiriladi. Imtiyoz chakana savdo bilan shug‘ullanuvchi tadbirkorlarga taalluqli bo‘lib, bir dona uskuna uchun eng ko‘pi bilan to‘rt baravar bazaviy hisoblash miqdori (taxminan 1,5 million so‘m) miqdorida amal qiladi. Avvalroq, xuddi shu qonun bilan parrandachilik va bolalar oromgohlari qo‘llab-quvvatlanishi, pivo va tamaki mahsulotlari bilan chakana savdo qiluvchi tadbirkorlar uchun maxsus yig‘im joriy etilishi xabar qilingan edi.