add

«TikTok» AQSHdagi bo‘linmasi aksiyalarining yarmini sotdi

23.01.2026 | 16:382 daqiqa
DUNYO
|
Ijtimoiy tarmoqlar

«Oracle», «Silver Lake» va «MGX» kabi yangi investorlar TikTok’ning AQSHdagi kompaniyasi aksiyalarining 50 foiziga egalik qiladigan bo‘ldi. Xitoyning «ByteDance» kompaniyasi esa aksiyalarning 19,9 foizini nazorat qiladi.

«TikTok» AQSHdagi bo‘linmasi aksiyalarining yarmini sotdi

«TikTok» platformasiga egalik qiluvchi Xitoyning «ByteDance» texnologik kompaniyasi AQSHdagi bo‘linmaning bir qismini AQSHlik investorlarga o‘tkazish bo‘yicha kelishuvni yakunladi. Bu haqda «Bloomberg» agentligi xabar berdi.

Ma’lum qilinishicha, «Oracle», «Silver Lake» va «MGX» kabi yangi investorlar «TikTok»ning AQSHdagi kompaniyasi aksiyalarining 50 foiziga egalik qiladi. «ByteDance»ning mavjud investorlari 30,1 foizni, bevosita «ByteDance» esa 19,9 foizni nazorat qiladi.

Agentlik aniqlashicha, amerikalik vakillarning ishtiroki «TikTok»da kontentni moderatsiya qilish va AQSH foydalanuvchilarining ma’lumotlarini himoya qilish imkonini beradi. Bo‘linmaning yangi direktorlar kengashi yetti nafar a’zodan iborat bo‘lib, ularning ko‘pchiligi AQSH fuqarolaridir. «ByteDance» esa «TikTok»ning AQSHdagi reklama bo‘linmasi hamda «TikTok Shop» elektron tijorat bo‘linmasi ustidan nazoratni saqlab qoladi.

AQSH Prezidenti Donald Tramp «Truth Social» ijtimoiy tarmog‘ida endilikda «TikTok» «ulug‘ amerikalik vatanparvarlar va investorlar guruhi»ga tegishli bo‘lishini yozdi. U Xitoy Xalq Respublikasi raisi Si Jinpingga kelishuvni ma’qullagani uchun minnatdorlik bildirdi.

«U boshqacha yo‘l tutishi mumkin edi, ammo bunday qilmadi va uning qarori e’tirofga loyiq», — deb qo‘shimcha qildi Tramp.

«TikTok»ni taxminan 200 million nafar amerikalik foydalanuvchi ishlatadi. 2024 yilda AQSH Kongressi «ByteDance» «TikTok»ni sotmasa, platformani bloklash to‘g‘risida qonun qabul qildi. Bunga sabab sifatida Xitoy hukumati ma’lumotlarga kirish imkoniyatini suiiste’mol qilishi yoki ilovadan Pekin ma’qul ko‘radigan narrativlarni ilgari surish uchun foydalanishi mumkinligi haqidagi xavotirlar ko‘rsatildi. Dastlab sotuv bo‘yicha kelishuv 2025 yil yanvarga qadar tuzilishi kerak edi, ammo AQSH prezidenti Donald Tramp kelishuvni yakunlash muddatini bir necha bor uzaytirdi.

Teglar

XitoyTikTokByteDanceAQSH

Mavzuga oid

AQSHda o‘qituvchilar o‘rniga sun’iy intellekt dars o‘tadigan maktablar ochildi
Kecha 14:38

AQSHda o‘qituvchilar o‘rniga sun’iy intellekt dars o‘tadigan maktablar ochildi

Maktablarda o‘qituvchilar yo‘q, uy vazifalari yo‘q va o‘qish uchun to‘lov yiliga 65 ming dollargacha yetishi mumkin.

Meksika va Kanada Tramp tariflaridan yutdi, eng katta zararni esa Xitoy ko‘rmoqda
Kecha 18:24

Meksika va Kanada Tramp tariflaridan yutdi, eng katta zararni esa Xitoy ko‘rmoqda

Tramp siyosati global eksport xaritasida kuchlar nisbatining jiddiy qayta taqsimlanishiga olib keldi. Ayrim davlatlar katta imtiyozlarga ega bo‘layotgan bir paytda, boshqalari misli ko‘rilmagan tarif bosimi va cheklovlarga duch kelmoqda.

Apple so‘nggi chorakda rekord darajada daromad oldi
Kecha 14:55

Apple so‘nggi chorakda rekord darajada daromad oldi

Apple o‘tgan yilning so‘nggi choragida 85 mlrd dollar daromad oldi, asosiy o‘sish iPhone sotuvlari hissasiga to‘g‘ri kelmoqda.

Epshteyn fayllari: 3 mln hujjat orasida O‘zbekiston va Qozog‘iston bilan bog‘liq yozishmalar ham bor
Bugun 09:00

Epshteyn fayllari: 3 mln hujjat orasida O‘zbekiston va Qozog‘iston bilan bog‘liq yozishmalar ham bor

«Epshteyn ishi» deb nom olgan ushbu ulkan to‘plamda nafaqat yirik siyosatchilar va milliarderlar, balki Markaziy Osiyo, xususan, O‘zbekiston va Qozog‘iston bilan bog‘liq maxfiy yozishmalar ham paydo bo‘ldi.

AQSH Rossiyaning Afrikadagi ta’siriga qarshi harakat boshladi
Kecha 22:10

AQSH Rossiyaning Afrikadagi ta’siriga qarshi harakat boshladi

Vashington Sahel mintaqasidagi «shaxmat taxtasi»da kutilmagan yurishni amalga oshirdi. Oq uy an’anaviy demokratiya darslarini chetga surib, Rossiyaning mintaqadagi harbiy monopoliyasini jilovlash uchun muloqotga tayyor.

Oltin va kumush narxlari quladi: bunga Xitoyning nima aloqasi bor?
Bugun 08:40

Oltin va kumush narxlari quladi: bunga Xitoyning nima aloqasi bor?

30-yanvar kungi savdolarda kumush o‘z tarixidagi eng yirik — 26 foizlik qulashni qayd etdi, oltin esa so‘nggi 10 yil ichida eng yomon natijasini ko‘rsatdi.