Тошкентдаги янги автобус бекатлари нархи бўйича танқидларга расмий муносабат билдирилди

Bugun 21:302 daqiqa

Отабек Бакиров янги намунавий бекатлар нархи 10–20 минг доллар атрофида экани айтилиб, уларнинг қиймати қандай шакллантирилгани ҳамда тендер жараёнлари юзасидан саволларни ўртага ташлаган эди.

Тошкентдаги янги автобус бекатлари нархи бўйича танқидларга расмий муносабат билдирилди

Тошкент шаҳрида жамоат транспорти бекатларини модернизация қилиш бюджет маблағлари ҳисобидан эмас, давлат-хусусий шериклик механизми асосида амалга оширилмоқда ва уларнинг нархини оддий металл конструкция қиймати билан таққослаш нотўғри. Бу ҳақда иқтисодчи-блогер Отабек Бакиров танқидига жавобан Йўл ҳаракатини ташкил этиш маркази маълум қилди.

Аввалроқ, Отабек Бакиров томонидан янги намунавий бекатлар нархи 10–20 минг доллар атрофида экани айтилиб, уларнинг қиймати қандай шакллантирилгани ҳамда тендер жараёнлари юзасидан саволлар ўртага ташланган эди. Марказ баёнотига кўра, лойиҳа қиймати фақатгина бекат конструкциясидан иборат эмас, балки инфратузилмавий, муҳандислик ва технологик ечимларнинг тўлиқ мажмуасини қамраб олади.

Лойиҳа нималарни ўз ичига олади?

Янги лойиҳа доирасида қуйидаги ишлар амалга оширилиши ва тизимлар ўрнатилиши таъкидланмоқда:

• Ҳудудни тайёрлаш, кутиш майдонларини кенгайтириш ва пиёдалар йўлакларини таъмирлаш.

• Автобус эшиклари баландлиги ҳисобга олинган ҳолда, йўловчилар чиқиб-тушиши учун қулай бўлган янги перронлар қуриш.

• 24 соат ишлайдиган ва марказлаштирилган мониторинг тизимига интеграция қилинган видеокузатув камераларини ўрнатиш.

• Фавқулодда ҳолатларда диспетчерлик инфратузилмаси (112 хизмати) билан боғланиш имконини берувчи SOS тугмаларини жорий этиш.

• Автобусларнинг келиш вақтини кўрсатувчи LED экранлар ва электрон ахборот таблолари, мобил қурилмаларни қувватлаш станциялари ҳамда вендинг аппаратларини ўрнатиш.

Давлат-хусусий шериклик моделига кўра, хусусий инвесторлар бекатларни қуриш ва уларга техник хизмат кўрсатиш харажатларини реклама экранлари, вендинг аппаратлари ва қувватлаш станцияларидан фойдаланиш орқали қоплайди. Бу ёндашув шаҳар бюджетига қўшимча юклама туширмасдан инфратузилмани янгилаш имконини бериши қайд этилди.

Маълумот ўрнида, Тошкент шаҳар ҳокимининг шу йилнинг март ойидаги қарори билан пойтахтдаги барча автобус бекатлари янгиланиб, уларда энди савдо дўконлари бўлмаслиги белгиланган эди.

Teglar

инфратузилма нархлар.жамоат транспорти Отабек Бакиров давлат-хусусий шериклик Тошкент автобус бекатлари ЙҲТЭМ

Mavzuga oid

Kecha 19:34

Қизилқумдаги сирли кўл — репортаж

Бухоро вилояти Пешку туманидаги Шўрбулоқ ҳудудида қисқа вақт ичида улкан кўл пайдо бўлди. Бир пайтлар фақат қум ва шўрхоклардан иборат бўлган ҳудуд бугун қарийб 80 километр квадрат майдонни эгаллаган сув ҳавзасига айланган. Бу табиат мўъжизасими, иқлим ўзгаришининг натижасими ёки инсон томонидан яратилган янги экотизимми? Vaqt.uz янги кўлнинг пайдо бўлиш сабаблари, экологик аҳамияти ва келажакдаги тақдири ҳақида ўрганди.

Bugun 08:00

Суд тизимида ҳалол ва пок иш юритишни таъминлаш учун Комплаенс назорати ташкил этилади

Янги хизмат коррупциявий хавф-хатарларни аниқлаш, баҳолаш ва олдини олиш, қонунчилик ҳамда касб этикаси талабларига риоя этилишини мониторинг қилиш билан шуғулланади.

Kecha 21:45

Барча олий таълим муассасаларида «Тадбиркорлик асослари» фани ўқитилади

2026 йилда Ўзбекистон олийгоҳларини 320 минг нафар талаба битиради. Президент мазкур ёшларни иш билан таъминлаш ва тадбиркорликка жалб қилиш бўйича янги механизмларни кўриб чиқди.

Bugun 20:30

АЁҚШларда тушум 3,3 трлн сўмга етди

Ўзбекистонда автойўқилғи қуйиш шохобчалари тушуми май ойида 3,3 триллион сўмдан ошди. Нақдсиз тўловлар улуши эса 100 фоизга етди.

Kecha 23:00

Қаршида 6 кишининг умрига зомин бўлган портлаш, «Saneg»дан олиб қўйилган Фарғона нефтни қайта ишлаш заводи ва қурувчилардан ортган шикоятлар — 8 июн дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Bugun 17:37

16 ёшли ўғил болалар автоматик ҳарбий ҳисобга қўйилади

Ўзбекистонда ҳарбий ҳисобга олиш тизими рақамлаштирилиб, тиббий комиссиялар бекор қилинади. Шунингдек, ҳарбийлар учун ижара компенсацияси ва фуқаровий ходимлар маоши оширилмоқда.