Toshkentdan Chorvoqqa yangi avtomobil yo‘li quriladi

Toshkent va Chorvoq o‘rtasida yangi avtomobil yo‘li qurilishi rejalashtirilmoqda. Bu haqda transport vaziri Ilhom Mahkamov «O‘zbekiston 24» telekanaliga bergan intervyusida ma’lum qildi. Vazirning ta’kidlashicha, loyiha «Chorvoq–Chimyon» rekreatsion zonasini rivojlantirish dasturining bir qismi hisoblanadi. Mazkur yo‘l qurilishi orqali Toshkent viloyati hamda Sirdaryo viloyati yo‘nalishida transport qatnovi yaxshilanadi. Bu esa hududdagi turizm salohiyatini oshirishga va aholi hamda sayyohlar uchun qulaylik yaratishga xizmat qiladi. Loyihaning konsepsiyasi allaqachon taqdim etilgan. Qurilish ishlari tanlov asosida belgilangan yetakchi kompaniyalar tomonidan amalga oshiriladi. Jarayonda davlat-xususiy sheriklik mexanizmi qo‘llanilishi ko‘zda tutilgan. Ilhom Mahkamovning so‘zlariga ko‘ra, mavjud yo‘lga ta’sir qilmasdan, yangi Toshkent–Chorvoq avtomobil yo‘li qurilishi boshlanadi. Bu yo‘l rekreatsion hududga sayohat vaqti va yo‘l sifatida sezilarli o‘zgarish yaratadi. Mazkur loyiha amalga oshirilgandan so‘ng, Chorvoq yo‘nalishi bo‘yicha transport qatnovi ancha tezkor va xavfsiz bo‘lishi kutilmoqda.