Трамп Гренландия бўйича божлар фикридан қайтгач, бозорлар ўсишни бошлади
Трамп Гренландияни АҚШ қўшиб олишига қарши бўлган бир қанча Европа давлатларига қўйилган божлар кучга кирмаслигини айтиб ўтди, бунинг ортидан бозорлар ўса бошлади.
АҚШ Президенти Доналд Трамп Давосда ўтаётган Жаҳон иқтисодий форумида бугун Гренландия мавзусига яна тўхталиб ўтди. Ўз нутқида у Франция, Дания, Германия, Швеция, Норвегия ва бир қатор давлатларга жорий қилиниши ваъда қилинган божлар ҳозирча киритилмаслигини айтиб ўтган. У ўз қарорини Гренландия бўйича Европа давлатлари билан бўлиб ўтган маслаҳат учрашувларидаги самарали натижалар билан изоҳлаган.
Криптобозорнинг реакцияси
Криптобозор Европага божлар жорий этилиши мумкинлиги тўғрисидаги хабарлардан сўнг сезиларли нарх тушишини бошидан ўтказган эди. Трамп ўз божларини бекор қилиши эса биткоин ва алткоинларда нарх қайта кўтарилишига сабаб бўлмоқда. Жумладан, 87 минг долларгача тушиб кетган биткоин нархи, божлар бекор қилиниши ҳақидаги хабар ортидан яна 90 минг долларлик довондан ўтиб олди.
Олтин ва кумуш эса орада сарсон
Божлар бекор бўлиши ҳақидаги янгилик олтин ва кумуш нархларининг тушишига ҳам олиб келди. Божлар ҳақидаги янгилик ушбу икки ресурс нархини жуда ҳам ошириб юборган бўлса, нарх тушиши ҳақидаги хабар эса, иккала қимматли металл нархи тушишига ҳам сабаб бўлди. Жумладан, олтин нархи божлар эълон қилинган сўнг биржада 4900 долларга яқинлашиб қолган эди, божлар бекор қилинган металл нархи 4750 долларгача тушиб кетди.
