Tramp tinchlik bo‘yicha Nobel mukofotiga nomzod etib ko‘rsatildi

Amerikalik siyosatchi, Kongress a’zosi Baddi Karter, telekanal ma’lumotlariga ko‘ra, Tinchlik bo‘yicha Nobel qo‘mitasiga murojaat qilib, Tramp Isroil va Eron o‘rtasidagi mojaroni tugatishda «muhim va tarixiy rol» o‘ynaganini ta’kidlagan. Uning fikricha, davlat rahbari Eronning «sayyoradagi eng halokatli qurol»ga ega bo‘lishining oldini olgan. Murojaatda Karter, shuningdek, Trampning prezidentlik muddati global inqiroz sharoitida «tinchlikka intilishi, urushlarning oldini olishi va xalqaro totuvlikni ilgari surishi» bilan ajralib turishini, bu esa Nobel mukofoti talablariga to‘liq mos kelishini yozgan.