Ukraina butunlay yo‘q bo‘lib ketmaslik uchun tinchlik bitimini imzolashi zarur — Lukashenko

Belarus prezidenti Aleksandr Lukashenkoning fikricha, hozirgi vaqtda Ukrainadagi mojaroni yakunlash imkoniyati har qachongidan ham yaqin. «Biz Rossiya va Ukraina o‘rtasidagi bu mojaroni to‘xtatish va tinchlik kelishuviga erishish uchun har qachongidan ham yaqinroq holatdamiz», - deya ta’kidladi Lukashenko Xitoy Mediakorporatsiyasiga bergan intervyusida. Uning fikricha, Rossiyaning kelajak dunyo uchun pozitsiyasi Ukrainanikiga qaraganda muhimroq: «Nega? Chunki bugun Rossiya jang maydonida ustunlik qilmoqda. Bu Ukraina uchun o‘ta xavfli vaziyat. Ukraina hozir to‘xtashi, butunlay yo‘q bo‘lib ketmaslik uchun tinchlik bitimini imzolashi zarur», - deyiladi xabarda. Belarus prezidenti ilgari ham bir necha bor Rossiya va Ukraina o‘rtasida muzokaralar o‘tkazish zarurligini ta’kidlagan edi. Ammo Minskning bu yo‘nalishdagi sa’y-harakatlari hozircha samara bermagan.