Urganch va Nukus o‘rtasida poyezd qatnovi yo‘lga qo‘yildi

«O‘ztemiryo‘lovchi» kompaniyasi ma’lumotiga ko‘ra, 6353/6354-sonli Urganch–Nukus–Urganch qatnovlari har kuni amalga oshiriladi. Bu yo‘lovchilar uchun qulaylik yaratish va hududlar o‘rtasida transport aloqalarini yaxshilashga qaratilgan. Jadvalga ko‘ra, 6354-sonli Nukusdan Urganchga qatnaydigan poyezd soat 05:30 da yo‘lga chiqib, 08:50 da manzilga yetib boradi. 6353-sonli Urganchdan Nukusga yo‘nalish esa soat 15:30 da boshlanib, 18:50 da nukusga yetib keladi. Eslatib o‘tamiz, Toshkentdan Samarqandga qo‘shimcha «Afrosiyob» qatnovlari tashkil etilgan bo‘lib, ular 1–2 oktyabr kunlari va 3 oktyabrdan boshlab haftasiga uch marta yo‘lga chiqishi rejalashtirilgan. Avvalroq Toshkent–Chinorkent elektropoyezd narxlari 50 foizga oshganini ma’lum qilgan edik.