Urushlardan charchagan Afg‘onistonga endi Pokiston zarba bermoqda

Ma’lumotlarga ko‘ra, hujumlar Nangarhor viloyatining Shinvar tumani hamda Xost viloyatining Spera tumanidagi turar-joy binolariga qaratilgan. Shu bilan birga, Pokiston Tashqi ishlar vazirligi va Qurolli kuchlarining Jamoatchilik bilan aloqalar bo‘yicha idoralararo boshqarmasi hozircha «Reuters»ning izoh so‘roviga javob bermadi. Agentlik xabariga ko‘ra, so‘nggi yillarda Pokiston va Afg‘oniston o‘rtasidagi munosabatlar tarang holatda qolmoqda. Islomobod Kobulni islom respublikasi hududida hujumlar uyushtiruvchi terrorchi guruhlar jangarilarini boshpana berishda ayblaydi. Afg‘oniston esa bu ayblovlarni rad etadi.