Vaqt.uz жамоасига қўшилинг

Vaqt.uz сизга шундай имконият тақдим этади. Биз қуйидаги йўналишда ходимлар қидирмоқдамиз:

Хабар тайёрловчи журналист

Агар сиз тезкор ахборот билан ишлашни билсангиз, янгиликларни таҳлил қилиб, қисқа ва тушунарли хабар тайёрлай олсангиз, ушбу вакансия сиз учун.

Сизнинг вазифангиз:
• Ўзбекистон ва дунёдаги муҳим воқеалар ҳақида тезкор хабарлар (асосан иқтисодий) тайёрлаш;
• Янгиликларни ўзбек тилида оператив равишда сайтга узатиш;
• Маҳаллий ва хорижий манбалар билан ишлаш;
• Ахборотларни текшириш ва қайта ишлаш.

Биз сиздан кутамиз:
• Ўзбек тилида равон ва саводли ёзиш;
• Инглиз ва рус тилларини билиш;
• Камида 2 йиллик иш тажрибаси;
• Олий маълумот тўғрисидаги диплом;
• Янгиликларга қизиқиш, тезкорлик ва масъулият.

Муҳаррир

Таҳририй тажрибага эга, матн сифати ва фактлар аниқлигига масъулият билан ёндашадиган мутахассисларни жамоамизга таклиф қиламиз.

Сизнинг вазифангиз:
• Материалларни таҳрирлаш ва сифат назоратини таъминлаш;
• Фактларни текшириш ва манбалар ишончлилигини баҳолаш;
• Журналистлар билан ишлаш ва уларга таҳририй кўмак бериш;
• Таҳририй стандартларга риоя этилишини назорат қилиш;
• Контент оқими ва кун тартибини бошқариш;
• Сарлавҳалар ва SEO оптималлаштириш устида ишлаш.

Биз сиздан кутамиз:
• Ўзбек тилини мукаммал билиш;
• Инглиз ва/ёки рус тилини билиш;
• Камида 3 йиллик иш тажрибаси;
• Таҳририй жараёнларни чуқур тушуниш;
• Танқидий фикрлаш ва жамоа билан ишлаш кўникмалари.

Биз нима таклиф қиламиз?
• Келишилган миқдордаги муносиб иш ҳақи;
• Ҳафтасига 5 кунлик иш графиги;
• Тошкент марказидаги қулай офис;
• Профессионал, эркин ва ижодий муҳит;
• Мамлакатнинг энг муҳим воқеалари марказида ишлаш имконияти.

Мос номзодлар ўз резюмеларини телеграм орқали @Farkhadovna_Madinabonu аккаунтига юборишлари мумкин. Биз жамоага масъулиятли ва тажрибали мутахассисларни қабул қиламиз.