Xitoy iqtisodiyoti AQSH bozorini tark etgandan so‘ng 5,2 foizga o‘sdi

Xitoy Milliy statistika byurosi ma’lumotlariga ko‘ra, ushbu ko‘rsatkich birinchi chorakda qayd etilgan 5,4 foizlik o‘sishdan biroz past, ammo 2025 yilning birinchi yarmi uchun umumiy o‘sish 5,3 foizni tashkil etdi. Mamlakat hukumatining yillik «taxminan 5 foiz»lik o‘sish maqsadini amalga oshirish uchun ichki va tashqi bosimlarga qaramasdan iqtisodiy barqarorlikni saqlashga harakat qilmoqda. Siyosiy va iqtisodiy tahlilchilar ta’kidlashicha, AQSHning Xitoy tovarlariga nisbatan joriy etgan yuqori boj stavkalari Pekin iqtisodiyoti uchun jiddiy xatar solmoqda. Shu sababli, Xitoy rahbariyati avgust oyi o‘rtasiga qadar Vashington bilan barqaror savdo kelishuviga erishishga intilayapti. Eksport geografiyasining diversifikatsiyasi va yangi bozorlarga chiqish strategiyasi Xitoy iqtisodiyotiga qisqa muddatda ijobiy ta’sir ko‘rsatdi. Shuningdek, mamlakat ilmiy-texnik salohiyatni kuchaytirishga harakat qilmoqda. Jumladan, yaqinda ilk okean tadqiqot kemasini faoliyatga tushirdi.