Xitoyning BYD shirkati Parijdan ham kattaroq avtozavod qurmoqda

Bugun 08:584181

Xenan provinsiyasidagi mega loyiha yiliga 1 million elektromobil ishlab chiqarish quvvatiga ega bo‘ladi.

Xitoyning BYD shirkati Parijdan ham kattaroq avtozavod qurmoqda

BYD Xitoyning Xenan provinsiyasida dunyodagi eng katta avtomobilsozlik shaharchasini barpo etmoqda. 130 kvadrat kilometr maydonni egallaydigan zavod Parijdan 20 foiz katta, San-Fransisko bilan teng. Qurilishda 60 ming ishchi band.

Kompaniya bu miqyosdagi loyihani daromadlari hisobiga amalga oshirmoqda. 2024 yilda BYDning daromadi 107 mlrd dollar, sof foydasi esa 5,44 mlrd dollarga yetgan. Zavod qurilishi 8 bosqichda olib borilmoqda. U to‘liq ishga tushganda 200 mingdan ziyod xodim faoliyat yuritadi.

BYD loyihasi Teslaning Nevadadagi «gigafabrika»sidan ancha katta: Tesla ob’ekti bor-yo‘g‘i 12,7 km kv., BYDniki esa 130 km kv. Kompaniya eksport ulushini ham kengaytirmoqda — o‘tgan yili BYD avtomobillarining 25 foizi xorijga jo‘natilgan. Buni samarali amalga oshirish uchun BYD o‘zining yuk tashuvchi avtokemalar flotini shakllantirgan.

Mega-zavodda ishlab chiqarish sexlaridan tashqari, ishchilar uchun turar joylar va dam olish hududlari ham bo‘ladi. Zavodni 2026 yilda foydalanishga topshirish rejalashtirilgan.

Avvalroq BYD kompaniyasi 11 ming dollar turadigan gibrid sedani — umumiy yurish masofasi 2000 kmʼga yetadi va benzin sarfi 100 kmʼga atigi 3,08 litrni tashkil etadigan Seal 05 DM-i 2026 modelini namoyish qilgani haqida xabar bergan edik.

Teglar

Xitoy elektromobil BYD avtozavod Xenan

Mavzuga oid

11.11.2025 | 15:10

Birjada shakar va paxta tolasi narxlarida pasayish kuzatildi

O‘tgan hafta davomida o‘tkazilgan birja savdolari avvalgi haftaga nisbatan 11,5 foizga kamaygani ma’lum bo‘ldi.

08.11.2025 | 11:25

Dunyoning eng boy mamlakatlari ro‘yxati e’lon qilindi

«Visual Capitalist» nashri Xalqaro valuta jamg‘armasining 2025 yilgi ma’lumotlariga tayanib, aholi jon boshiga eng katta iqtisodiy daromadga ega mamlakatlar ro‘yxatini e’lon qildi.

11.11.2025 | 15:55

Dunyo brendlari bilan ishlash maqsadida O‘zbekiston AQSHdan 100 ming tonna paxta sotib oladi

Samarkand Apparel kompaniyasi Amerika paxtasi va mahalliy xomashyo aralashmasidan xalqaro brendlar uchun mahsulot ishlab chiqarishni boshlaydi. Bu kelishuv O‘zbekistonning Premium bozorlarga chiqishini tezlashtirishi mumkin.

11.11.2025 | 16:55

MB: go‘sht 25 foiz qimmatladi, shaftoli 28 foizga arzonlagan

Markaziy bank 2025 yil oktabr oyida oziq-ovqat narxlarining yillik o‘zgarishi tahlilini taqdim qildi.

Bugun 07:58

O‘zbekistonda ishsizlik 2013 yildan buyon ilk marta 5 foizdan pastladi

2025 yilning III choragida ishsizlar soni 760 minggacha qisqarib, umumiy ishsizlik darajasi 4,9 foizni tashkil etdi.

11.11.2025 | 08:58

Qish oldidan aholi yoqilg‘i va kommunal xizmatlar narxlaridan xavotirda

Markaziy bank ma’lumotlariga ko‘ra, aholi va tadbirkorlar orasida inflatsiya kutilmalari tarixiy minimumga yetdi. Biroq odamlar kommunal to‘lovlar, yoqilg‘i va energiya narxlari, shuningdek, asosiy oziq-ovqat mahsulotlari qimmatlashishidan xavotirda ekanligini bildirgan.