Янги Тошкент шаҳри ҳокимлиги ташкил этилади

Bugun 12:102 daqiqa

Янги ҳокимликнинг бошқарув аппарати жами 14 нафар ходимдан иборат бўлади. Шаҳар ҳокимини президент лавозимга тайинлайди ва лавозимидан озод этади.

Янги Тошкент шаҳри ҳокимлиги ташкил этилади

Янги Тошкент шаҳри учун алоҳида ҳокимлик ташкил этилади. Бу ҳақда Президентнинг 2026-йил 10-ноябрдаги ПФ–243-сон фармонида белгиланди. Ҳужжат 11-ноябрдан кучга кирди.

Янги Тошкент ҳокимлиги бошқарув аппарати 14 нафар ходимдан иборат бўлади. Унинг таркибига ҳокимнинг биринчи ўринбосари ва яна икки ўринбосари, ёрдамчи, ахборот хизмати раҳбари, ташкилий-назорат гуруҳи ҳамда бошқа масъул ходимлар киради.

Шунингдек, шаҳарда давлат органлари ва ташкилотларининг 16 та бўлинмаси ташкил этилади. Уларда жами 30 та штат бирлиги ажратилади. Мазкур штатлар тегишли идораларнинг амалдаги умумий штатлари доирасида шакллантирилади.

Ҳокимлик тегишли маъмурий-ҳудудий бирлик ташкил этилгунига қадар фаолият юритади. Унинг фаолияти республика бюджети ҳисобидан молиялаштирилади.

Идоралар бир ойда ташкил этилади

Фармонга мувофиқ, Янги Тошкент ҳокимлиги ва давлат идораларининг ҳудудий бўлинмаларига дирекция томонидан доимий фойдаланиш учун берилган ҳудудларда мустақил қарор қабул қилиш ваколати берилади. Бу ваколат Тошкент вилояти ва туманларидаги тегишли давлат органлари ваколатига кирадиган масалаларга тааллуқли бўлади.

Ҳокимлик ҳамда давлат идораларининг бўлинмалари вақтинча собиқ «Янги Тошкент» лойиҳаси офиси биносига жойлаштирилади. Бино уларга текин фойдаланиш ҳуқуқи асосида берилади.

Бош прокуратура, Ички ишлар, Адлия, Фавқулодда вазиятлар вазирликлари ва бошқа ҳуқуқни муҳофаза қилувчи органларга бир ой муддатда Янги Тошкентда ўз тузилмаларини ташкил этиш топширилган.

Маъмурий мақом белгиланади

Фармонда Вазирлар Маҳкамасига ҳокимликни ташкил этиш бўйича ташкилий-техник чораларни кўриш вазифаси ҳам юклатилган. Ҳукумат бу ишларни ўн кун ичида амалга ошириши керак.

Шунингдек, уч ой муддатда Янги Тошкентнинг маъмурий-ҳудудий мақоми бўйича таклифлар киритилиши белгиланган.

Ҳокимлик ва давлат идоралари бўлинмаларининг ваколатлари эса тегишли маъмурий-ҳудудий бирлик ташкил этилгунига қадар амал қилади.

Эслатиб ўтамиз, аввалроқ Янги Тошкентда инвесторлар 20 йилгача солиқдан озод қилиниши ҳақида хабар берилганди.

Teglar

Янги Тошкент президент фармон ҳокимлик

Mavzuga oid

Kecha 20:00

Ўзбекистон Оролбўйи учун 5 млн доллар ажратади: у нимага ишлатилади?

Аввал 16,2 млн доллар маблағ жалб қилинган.

Kecha 22:13

Телефонлар учун бекор қилинадиган бож, Янги Тошкентдаги йирик имтиёзлар ва Аэропортда бекор қилинган IMEI чеклови — 11 ноябр дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Kecha 17:32

Бугундан Тошкент аэропортида мобил қурилмаларни божхонадан ўтказишдаги чеклов бекор қилинди

«Бугундан яна мобил қурилмаларни бемалол олиб кириш бошланди. Шу пайтгача олиб қўйилган бир неча юзлаб мобил қурилмаларни ҳозирда қайтариш ишлари бошланди», — деди Ҳусан Тангриев.

Kecha 21:20

IMEI тизимидан мақсад тўлов ундириш эмас — Божхона қўмитаси

Фарҳод Олимжонов мазкур тизимнинг асл вазифаси ғазнани тўлдириш эмас, аксинча, мамлакатда смартфонларнинг қонуний айланмаси ва истеъмолчилар хавфсизлигини таъминлаш эканини айтди.

Kecha 19:06

Андижонда ҳоким ўринбосари пора билан ушланди

Пахтаобод тумани ҳокими ўринбосари ва кадастр мансабдори 50 сотих ерни аукциондан олиб бериш учун 100 минг доллар талаб қилиб, 30 минг доллар олаётганда қўлга тушган.

Kecha 23:00

Ўзбекистон ва Грузия Президентлари Туркияда музокара ўтказди

Шавкат Мирзиёев Михаил Кавелашвили билан учрашув ўтказди. Мулоқотда икки мамлакат ўртасидаги стратегик шериклик муносабатларини янада кенгайтиришнинг долзарб масалалари муҳокама қилинди.