ЕИ вазирлари Яқин Шарқ ва Россия бўйича санкцияларни муҳокама қилади

23.06.2025 | 15:003 daqiqa

Европа Иттифоқи ташқи ишлар вазирлари Люксембургдаги йиғилишда Исроил-Эрон зиддияти ва Ғазодаги фалокат юзасидан муносабат билдиради. Шунингдек, Россияга қарши санкцияларнинг 18-босқичи муҳокама қилинади.

ЕИ вазирлари Яқин Шарқ ва Россия бўйича санкцияларни муҳокама қилади

Европа Иттифоқи ташқи ишлар вазирлари 24 июнь куни Люксембургда бўлиб ўтадиган йиғилишда Яқин Шарқдаги зиддият ва Россияга нисбатан навбатдаги санкциялар масалаларини муҳокама қилади. Йиғилишда асосий эътибор Исроил ва Эрон ўртасидаги кескинлик ҳамда Ғазода юзага келган гуманитар вазиятга қаратилади. Вазирлар айрим исроиллик амалдорларга нисбатан санкция қўллаш масаласини қайта кўриб чиқишни режалаштирмоқда. Бироқ ЕИдаги умумий келишувнинг йўқлиги сабабли бундай қарор қабул қилиниши эҳтимоли паст экани таъкидланмоқда. Музокараларда, шунингдек, Россияга қарши санкцияларнинг 18-босқичи юзасидан келишув кутилмоқда. Бу босқичда янги экспорт ва импорт чекловлари, киберхавфсизлик, энергия ҳамкорлиги ва молиявий хизматларга оид чоралар киритилиши мумкин. Мазкур учрашув 26–27 июн кунлари Брюсселда бўлиб ўтадиган Европа Иттифоқи етакчилари саммити ҳамда 24–25 июн кунлари Гаагада режалаштирилган НАТО саммити арафасидаги муҳим сиёсий тайёргарлик сифатида баҳоланмоқда. Европа Иттифоқи сўнгги ойларда халқаро низолар юзасидан умумий позицияни шакллантиришда қийинчиликка учраётгани, хусусан, Яқин Шарқ ва Украина масалаларида аъзолар ўртасида фикрлар турлича экани қайд этилмоқда.

Teglar

Россия Исроил Европа иттифоқи Ғазо санкция ташқи ишлар

Mavzuga oid

19.03.2026 | 18:05

Марказий Европадан бугунги халқаро бозоргача – доллар ва унинг тарихи

Жаҳон иқтисодиёт ва валюта бозори ҳақида гап кетганда, деярли ҳамманинг хаёлига АҚШ доллари келади. Статистик маълумотларга кўра дунёдаги савдо айланмаларининг 80 фоизи долларда амалга оширилади. АҚШдан ташқари яна бир неча давлатларнинг расмий валютаси доллар деб аталади. Канада, Австралия, Янги Зеландия, Сингапур ва Ҳонгконг.

19.03.2026 | 23:00

Россияда талаба оилаларга фарзанд туғилиши учун 2 минг доллар атрофида пул тўланади

Россияда сўнгги йилларда демографик инқироз кузатилмоқда ва туғилиш кўрсаткичлари рекорд даражада пасайиб бормоқда.

Kecha 13:30

Қурол ва хакерлар: Шимолий Кореянинг валюта тушумлари сўнгги 8 йилдаги энг юқори даражага чиқди

Ким Чен Ин режими киберҳужумлардан йилига камига 1 млдр доллар даромад топиши ҳамда Россияга тахминан 14 млрд долларлик қурол ва ҳатто ҳарбий кучлар юборгани айтилади.

Kecha 17:43

«Amazon» ўн йилдан сўнг яна смартфон бозорига қайтишни режалаштирмоқда

«Transformer» деб номланаётган янги қурилма Жефф Безоснинг кўп йиллик ғоясининг навбатдаги босқичи ҳисобланади, у «Star Trek» илмий-фантастик сериалидаги каби овоз орқали бошқариладиган универсал ёрдамчи яратишни истаган.

Kecha 19:05

Уруш қайси иқтисодиётларга энг кўп зарар келтиради?

Эрондаги урушнинг узоқ давом этиши энергия таъминотида мисли кўрилмаган инқирозни келтириб чиқариши мумкин. Бу эса охир-оқибат глобал иқтисодиётнинг ҳар бир бурчагига таъсир қилади.

Kecha 09:00