Yevropa Rossiya, Xitoy va KXDR rahbarlarining uchrashuvida «to‘g‘ridan-to‘g‘ri tahdid»ni ko‘rdi

Yevropa Ittifoqi tashqi siyosat xizmati rahbari Kaya Kallas Rossiya, Xitoy, Eron va KXDR yetakchilarining uchrashuvlari qoidalarga asoslangan xalqaro tartibotga «bevosita tahdid» ekanligini ta’kidladi. U bu haqda Bryusseldagi matbuot anjumanida ma’lum qildi. «XXR raisi Pekinda Rossiya, Eron va KXDR rahbarlari bilan yonma-yon turibdi — bu shunchaki G‘arbga qarshi pozitsiya emas. Bu qoidalarga asoslangan xalqaro tartibotga to‘g‘ridan-to‘g‘ri da’vodir», - deya ta’kidladi Kallas. Uning aytishicha, Yevropa «bu yangi voqelikka qarshi turishi shart». Eslatib o‘tamiz, 3 sentyabr kuni Pekinda Ikkinchi jahon urushi tugaganining 80 yilligi hamda Xitoy xalqining Yaponiyaga qarshi urushda erishgan g‘alabasiga bag‘ishlangan tantanali marosimlar o‘tkazildi.