Yevropadagi eng yaxshi turistik shahar Italiyada ekani qayd etildi

Florensiya mazkur ro‘yxatda 11-o‘rinni egallab, barcha Yevropa shaharlari orasida eng yuqori bahoga sazovor bo‘ldi. U nafaqat san’at va arxitektura markazi, balki Italiyaning turistik darvozasi sifatida ham tan olingan. Uning tarixiy jozibasi, mahalliy taomlari va jimjitlikda o‘tgan hayoti sayyohlar qalbini zabt etmoqda. Bu reyting qariyb 180 ming o‘quvchi fikri asosida tuzilgan bo‘lib, shaharlar 6 mezon — madaniyat, oshxona, mehmondo‘stlik, xarid qilish imkoniyatlari, narx va sifat nisbati hamda umumiy taassurotlar asosida baholandi. Italiya bu galgi ro‘yxatda eng ko‘p nomzod bilan qatnashgan Yevropa mamlakati bo‘ldi. Florensiyadan tashqari Rim 18-o‘rinni, Siyena esa 23-o‘rinni egalladi. Barcha uchala shahar o‘zining boy tarixi, zamonaviylikka moyil bo‘lmagan muhiti va yoshartiruvchi atmosferasi bilan e’tirof etilgan. Florensiyadagi Uffitsi galereyasi, Bottichelli asarlari, Florensiya cherkovining terakota gumbazi kabi shoh asarlar sayyohlar uchun piyoda yurish masofasida joylashgan. Bu shahar an’anaviy italyancha oshxonasi bilan ham tanilgan — bu yerdagi oilalarga tegishli trattoriyalar avloddan avlodga o‘tib kelmoqda. Rimda esa zamonaviy hayot va qadimiy tarix birlashgan. Bu yilgi katolik Yubiley yili munosabati bilan shahar yanada ko‘proq sayyohni qabul qilmoqda. Siyena esa o‘ziga xos o‘rta asr muhitini saqlab qolgan, UNESCO ro‘yxatidagi shahar sifatida tanilgan. Reytingda Ispaniyaning Sevilya va Granada shaharlari ham yuqori o‘rinlarni egalladi. Turkiyaning Istanbul shahri esa 14-o‘ringa qo‘yilgan. Qizig‘i shundaki, Fransiyadagi hech bir shahar bu yilgi 25 talikka kirmadi. Bu AQSHlik o‘quvchilar ta’bi o‘zgarib, ommaviy turizmga emas, ,yemalol orom olinadigan va narx jihatdan maqbul shaharlarga qiziqish ortganini ko‘rsatadi.