АҚШдан Ўзбекистонга келувчилар сони 39 фоизга ошган

21.02.2026 | 16:271 дақиқа

Январ ойида 1 642 нафар АҚШ фуқароси Ўзбекистонга ташриф буюрган.

АҚШдан Ўзбекистонга келувчилар сони 39 фоизга ошган

2026 йил январь ойида Ўзбекистонга АҚШдан келган туристлар сони ўтган йилнинг шу даврига нисбатан 39,4 фоизга кўпайди.

Миллий статистика қўмитаси маълумотига кўра, бир ой давомида 1 642 нафар АҚШ фуқароси мамлакатга туристик мақсадларда кириб келган.

Сафар мақсадлари таҳлилига кўра, ташриф буюрганларнинг асосий қисми — 1 120 нафар — саёҳат мақсадида келган.

Шунингдек, 269 нафар хизмат юзасидан, 112 нафар ўқиш учун, 133 нафар қариндошларни йўқлаш мақсадида, 6 нафар тижорат ишлари бўйича ва 2 нафар даволаниш учун ташриф қайд этилган.

Шу билан бирга, 2026 йил бошида 964 нафар Ўзбекистон фуқароси туристик мақсадларда АҚШга сафар қилган. Улар орасида 796 нафар саёҳат учун, 135 нафар қариндошларни йўқлаш мақсадида, 25 нафар ўқиш учун, 6 нафар хизмат юзасидан ва 2 нафар даволаниш учун борган.

Эслатиб ўтамиз, аввалроқ АҚШ Ўзбекистоннинг иккита компаниясига виза беришни чеклаганлиги ҳақида хабар берган эдик. Чекловлар АҚШга ноқонуний миграцияни ташкил этишда кўмаклашган икки виза хизматлари компаниясининг раҳбарлари ва юқори лавозимдаги ходимларига нисбатан қўлланилган.

Теглар

туризм Саёҳат Миллий статистика қўмитаси АҚШ Ўзбекистон

Мавзуга оид

Кеча 19:15

Самарқандда трансмиллий наркотаҳдидларга қарши курашиш бўйича халқаро форум бошланди

Мирзиёева мазкур халқаро форум иштирлкчиларига Президент мурожаатини ўқиб эшиттирди.

Кеча 20:15

Чехия бош вазири Ўзбекистонга келади

Андрей Бабиш ташрифи апрел ойи охирига режалаштирилган.

Кеча 19:02

Ўзбекистонлик мигрантларнинг касбий малака имтиҳони харажатлари тўлиқ қоплаб берилади

Президент танишган тақдимотда чет тилини ўрганиш харажатларининг ярми ҳам давлат томонидан тўлаб берилиши, бунда маблағларни ўқув марказларига эмас, фуқароларнинг ўзига бериш таклиф қилинди.

Кеча 22:28

Ўзбекистон наркотрафикка қарши сунъий интеллект платформасини яратишни таклиф қилди

Президент Администрацияси раҳбари Самарқанддаги халқаро кўргазмада иштирок этди.

Кеча 20:00

Тошкентдаги энг қиммат уйлар қайси ҳудудларда жойлашган?

Тошкентда уй-жой нархлари ҳудудлар кесимида фарқланмоқда. Уйларнинг қурилиш тури, таъмир ҳолати ва уй майдони ҳам нархга таъсир қилмоқда.

Кеча 18:32

НКМКда олтин ишлаб чиқариш ҳажми 2,2 фоизга қисқарди

Навоий кон-металлургия комбинати жорий йилнинг биринчи чорагида олтин ишлаб чиқаришни камайтирганига қарамай, рекорд даражадаги молиявий кўрсаткичларга эришди.